«التىن وردانىڭ» جول ايىرىعى قاشان اشىلادى؟

جول ايىرىعىندا بەتونداۋ جانە اسفالتتاۋ جۇمىستارى باستالدى.

جوبانىڭ اياقتالۋ مەرزىمى 2021 جىلدىڭ قازان ايىنا بەلگىلەنگەن، دەپ حابارلايدى Almaty-akshamy.kz «قازاۆتوجول» ۇك» اق باسپا ءسوز قىزمەتىنە سىلتەمە جاساپ.

مەملەكەت باسشىسى قاسىم-جومارت توقايەۆ 2021 جىلدىڭ قازان ايىندا «الماتى-بىشكەك» اۆتوجولىنىڭ 786-790 شاقىرىمى (16-19  شاقىرىمى «التىن وردا») «رايىمبەك-الماتى» ۋچاسكەسىنىڭ كولىك جۇرەتىن بولىگىن كەڭەيتۋ بويىنشا كۇردەلى جوندەۋ» نىسانىن اياقتاۋ قاجەتتىلىگى تۋرالى تاپسىرما بەرگەن بولاتىن. «الماتى-بىشكەك» اۆتوجولىنىڭ «التىن وردا» بازارىنىڭ ۋچاسكەسىندە جولدىڭ ءجۇرۋ بولىگىنە اسفالت توسەۋ جانە باس ماگيسترالدىق ەستاكادانىڭ بەتونىن قۇيۋ جۇمىستارى باستالدى.

سونداي-اق، جارىقتاندىرۋ قۇرىلعىلارى بويىنشا جۇمىستار اياقتالىپ، نەگىزگى اۆتوجولدا قوزعالىس اشىلدى. بۇدان باسقا، تەمىر-بەتون پليتالارىن مەتالل كونسترۋكسيالارىنا مونتاجداۋ، قۇرىلىس قالىپتارىن مونتاجداۋ ءجۇرىپ جاتىر. شىلدە ايىنىڭ باسىندا اسفالتبەتون توسەمىن ورناتۋ جانە اباتتاندىرۋ جۇمىستارى اياقتالعاننان كەيىن «تاعا» تۇرىندەگى ەستاكادا ارقىلى قوزعالىستى اشۋ جوسپارلانۋدا.

قازىرگى ۋاقىتتا ۋچاسكىدە 100 ادام جانە 15 بىرلىك ارنايى تەحنيكا جۇمىسقا جۇمىلدىرىلعان. ەكى اۋىسىمدىق جۇمىس ۇيىمداستىرىلعان.

نىساننىڭ اياقتالۋى 2021 جىلدىڭ قازان ايىنا جوسپارلانعان جانە ول ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ەرەكشە باقىلاۋىندا.