پاراگۆايدا جىل سوڭىنا دەيىن COVID-19-عا قارسى بالالارعا ۆاكسينا سالۋ قولعا الىنباق
جىل سوڭىنا دەيىن بۇل ەلدە التى جاستان اسقان بالالاردى ۆاكسيناسيالاۋ باستالادى، سونىمەن بىرگە، ازاماتتاردىڭ جەكەلەگەن ساناتتارىن يممۋنداۋ جۇرگىزىلەدى، دەپ حابارلايدى Almaty-akshamy.kz ريا نوۆوستي-عا سىلتەمە جاساپ.
بۇل تۋرالى ەلدىڭ دەنساۋلىق ساقتاۋ مينيسترىلىگىنىڭ باسشىسى حۋليو بوربا حابارلادى.
«ءبىز يممۋنيتەتى تومەندەگەن جاسى 50-دەن اسقان ازاماتتار مەن دەنساۋلىق ساقتاۋ سالاسىنىڭ قىزمەتكەرلەرىنە ۆاكسينانىڭ ءۇشىنشى دوزاسىن جەتكىزۋدى باستايمىز. جىل سوڭىنا دەيىن التى جاستان اسقان بالالار اراسىندا ۆاكسينالاۋدى باستاۋ جوسپارلانىپ وتىر»، - دەدى ول.
سونىمەن بىرگە، جاناما اۋرۋلارى جوق 12-17 جاستاعى جاسوسپىرىمدەردى ۆاكسينالاۋ باستالادى.
ءمينيستردىڭ بۇل مالىمدەمەسى ۆەدومستۆونىڭ Twitter پاراقشاسىندا ايتىلعان.
پاراگۆايدا كوروناۆيرۋس جۇقتىرۋدىڭ 460 244 جاعدايى تىركەلگەن، 16 207 ناۋقاس قايتىس بولعان.