استانادا جاستار مەن جاسوسپىرىمدەر اراسىنداعى قۇرلىقتىق دودا ءوتىپ جاتىر. بايراقتى باسەكەگە 23 مەملەكەتتەن 500-گە جۋىق قاتىسۋشى كەلدى، دەپ حابارلايدى almaty-akshamy.kz
بۇل – وزىندىك رەكورد. كۇنى كەشە العاشقى مەدالدار جيىنتىعى ساراپقا سالىنعان. ناتيجەسىندە ەل نامىسىن قورعاپ جاتقان ورەندەر 21 مارتە جەڭىس ءتۇعىرىنا كوتەرىلدى. ونىڭ التاۋى التىن جۇلدەگەر اتانىپ، ءانۇرانىمىزدى شىرقاتتى.
اتاپ ايتقاندا، قىزدار اراسىندا اياجان سىدىق، تولعاناي قاسىمحان جانە الينا كۋدايبەرگەنوۆا ءوز سالماقتارىندا قارسىلاس شاق كەلتىرمەدى. ال ۇلدار اراسىندا الديار باحادۋر، جاندوس الپىسبايەۆ جانە بەكسۇلتان قايرات ۇلى توپ جاردى.
جالپىكوماندالىق ەسەپتە ءۇندىستاننان كەلگەن بوكسشىلار توپ باستاپ تۇر. ولاردىڭ ەنشىسىندە 10 التىن جۇلدە بار. ەكىنشى ورىندا قازاقستاندىق قىز-جىگىتتەر بولسا، كورشى وزبەك ەلىنىڭ وكىلدەرى ۇزىك ۇشتىكتى تۇيىندەدى. ازيا چەمپيوناتى اياسىنداعى مەدالدار بۇگىن دە تاراتىلادى. ياعني، بۇگىن – سوڭعى جارىس كۇنى جانە سونىڭ ناتيجەسىندە جارىستىڭ جالپى قورىتىندى جاسالادى.