ەل ىشىندە كوشىپ-قونۋشىلاردىڭ سانى 1،4%-عا ازايدى
ۇلتتىق ستاتيستيكا بيۋروسىنىڭ مالىمەتىنشە، 2022 جىلدىڭ قاڭتار-ماۋسىم ايلارىندا قازاقستانعا 7 287 ادام كەلدى، ەلدەن 12 344 ادام كەتكەن، كوشى-قون سالدوسى -5 057 ادامدى قۇرادى، دەپ حابارلايدى Almaty-akshamy.kz.
«ەلىمىزدىڭ نەگىزگى كوشى-قون الماسۋى تمد ەلدەرىمەن جۇزەگە اسادى. تمد ەلدەرىنەن كەلگەندەردىڭ ۇلەسى 84،5%، كەتكەندەر – 83% ميگرانتتاردىڭ جالپى سانىنان»،-دەلىنگەن حابارلامادا.
بۇل رەتتە ەل ىشىندە كوشىپ-قونۋشىلاردىڭ سانى 1،4%-عا ازايدى.
ءوڭىرارالىق قوزعالىستار بويىنشا ەلىمىزدىڭ ءۇش وبلىسىندا: الماتى (17 691 ادام)، نۇر-سۇلتان (15 753 ادام) جانە شىمكەنت (1 883 ادام) قالالارىندا حالىقتىڭ كوشى-قونىنىڭ وڭ سالدوسى قالىپتاستى.