بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالالىق اۋماقتىق سايلاۋ كوميسسياسىنىڭ ءتورايىمى ايگۇل قالىقوۆا ايتتى، دەپ حابارلايدى Almaty-akshamy.kz.
ءماسليحات سايلاۋى كەزىندە جوعارى باسەكەلەستىك كۇتىلۋدە – ءبىر ورىنعا 12 ۇمىتكەر.
ايگۇل قالىقوۆا ق ر پارلامەنتى ءماجىلىسى مەن ءماسليحاتتار دەپۋتاتتارىنىڭ كەزەكتەن تىس سايلاۋى بويىنشا سايلاۋ ناۋقانى كانديداتتاردى تىركەۋ مەرزىمى اياقتالعان ساتتەن باستاپ 18 اقپاندا باستالعانىن ەسكە سالدى.
اسك-نىڭ مالىمەتىنە سايكەس، ق ر پارلامەنتى ءماجىلىسى دەپۋتاتتىعىنا 2023 جىلعى 20 قاڭتار مەن 8 اقپان ارالىعىندا الماتى قالاسىنان بارلىعى 143 كانديدات ۇسىنىلدى.
«ق ر پارلامەنتى ءماجىلىسىنىڭ دەپۋتاتتىعىنا بارلىعى 104 كانديدات تىركەلدى. 36 كانديداتتى تىركەۋدەن باس تارتىلدى. نەگىزگى سەبەپتەر: ءتيىستى قۇجاتتاردى ۇسىنباۋ سونداي-اق كانديداتتارعا قويىلاتىن تالاپتارعا سايكەس كەلمەۋى. ال ءبىر كانديدات مەملەكەتتىك كىرىستەر دەپارتامەنتىنەن دەكلاراسيا بويىنشا وتە المادى. 2 ادام كانديداتۋراسىن كەرى قايتارىپ الۋ تۋرالى ءوتىنىش بەردى»، - دەپ حابارلادى ا.قالىقوۆا.
جالپى، وكرۋگتەر بويىنشا ۇسىنۋلار كەلەسىدەي بولدى:
- ەڭ جوعارى باسەكەلەستىك – 3ء-شى وكرۋگتە 37 ادام.
- تىركەلگەن ۇمىتكەرلەردىڭ 73ء-ى ەر، 31ء-ى ايەل ادام.
سونداي-اق تىركەلگەندەردىڭ 17ء-سى بيۋدجەتتىك ۇيىمداردىڭ قىزمەتكەرلەرى، كوممەرسيالىق قۇرىلىمداردىڭ قىزمەتكەرلەرىنىڭ سانى – 65. 7-ەۋى زەينەتكەر، 6-ۋى جۇمىسسىز، 2ء-ۋى قوعامدىق ۇيىمداردىڭ وكىلدەرى، قوعامدىق قورلار – 4، ءوزىن-وزى جۇمىسپەن قامتىعاندار-3.
ءبىرمانداتتىق وكرۋگتەر بويىنشا پارلامەنت ماجىلىسىنە ءوزىن-وزى ۇسىنۋ تارتىبىمەن تىركەلگەندەردىڭ قاتارىندا 91 ادام بار. «AMANAT» پارتياسىنان 3 كانديدات، قحپ – 2، «اق جول» قدپ – 2، «RESPUBLICA» پارتياسىنان-2، «اۋىل» حدپپ، جسدپ، «قازاقستاننىڭ ورىس قاۋىمداستىعى» قب، قازاقستان اۆتوموبيلشىلەر فەدەراسياسىنان – ءبىر كانديداتتان.