"قايرات" كلۋبىنىڭ ارداگەرى قۇرالبەك وردابايەۆ داستان ساتپايەۆتىڭ ۇلتتىق قۇراما ويىنىنا قاتىسا الماۋىنا بايلانىستى پىكىر ءبىلدىردى، - دەپ حابارلايدى اqshamnews.kz ءتىلشىسى.
وردابايەۆتىڭ ايتۋىنشا، شابۋىلشى سوڭعى ماچ الدىندا ءوزىن جايسىز سەزىنگەنىمەن، كومانداعا كومەكتەسۋ ءۇشىن بۇل تۋرالى ەشكىمگە ايتپاي، تولىق ويىندى وتكىزگەن جانە گول سوققان. كەزدەسۋدەن كەيىن اۋىرسىنۋ كۇشەيىپ، مەديسينالىق تەكسەرۋ جاسالدى. ناتيجەسىندە سول جاق جامباس بۇلشىقەتىندە شامامەن ءتورت سانتيمەتردەي ءىسىنۋ، ءسىڭىر سوزىلۋى جانە ميكروجارىقتار انىقتالعان.
"بۇل جاس اعزا ءۇشىن ايتارلىقتاي جۇكتەمە، سوندىقتان دارىگەرلەر وعان كلۋب بازاسىندا قالىپ، قالپىنا كەلۋ كۋرسىنان ءوتۋدى ۇسىندى. كلۋب بۇل ماسەلەنى قۇرامانىڭ مەديسينالىق شتابىمەن كەلىسىپ، جاعداي تۋرالى رەسمي تۇردە حابارلادى. وكىنىشكە قاراي، بۇل جولى داستان ۇلتتىق قۇراماعا كومەكتەسە المايدى"، – دەدى وردابايەۆ.
داستان ساتپايەۆ قازان ايىنداعى الەم چەمپيوناتى ىرىكتەۋ ويىندارىن جىبەرىپ الادى.
ەسكە سالايىق، 5 قازاندا پرەمەر-ليگانىڭ 24-تۋر اياسىنداعى "جەتىسۋعا" قارسى ماچتا تولىق 90 مينۋت ويناپ، قارسىلاس قاقپاسىنا گول سوققان ەدى.