الماتىنىڭ تۇركسىب اۋدانىنىڭ تۇرعىندارىن ۆاكسينالانۋ قارقىنىن ارتتىرۋعا شاقىردى

ەكپە - ىندەتتى جەڭەتىن توتە جول.

الماتىنىڭ تۇركسىب اۋدانىنىڭ تۇرعىندارىن ۆاكسينالانۋ قارقىنىن ارتتىرۋعا شاقىردى

تۇركسىب اۋدانىنىڭ اكىمى باقىتجان اقجاروۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا قالا تۇرعىندارىن ۆاكسينالانۋعا جاۋاپكەرشىلىكپەن قاراۋعا شاقىردى، دەپ حابارلايدى Almaty-akshamy.kz.

بۇگىندە اۋداندا 101 مىڭنان استام ادام ەكپە الدى. الايدا بۇل ۇجىمدىق يممۋنيتەتتى قالىپتاستىرۋ ءۇشىن جەتكىلىكسىز.

ب. اقجاروۆ قالادا كوروناۆيرۋستىق ينفەكسيانىڭ ورشۋىنە وراي قاتارداعى اۋرۋحانالاردىڭ COVID-19 جۇقتىرعان ناۋقاستارعا كومەك كورسەتۋ ءۇشىن قايتا بەيىمدەلگەنىن ەسكە سالدى.

 «اۋداننىڭ ەمحانالارىنا 247 مىڭ ادام بەكىتىلگەن، 148 603 ادام ۆاكسينالاۋعا جاتادى، ونىڭ ىشىندە بۇگىندە 101 206 تۇرعىن ۆاكسينالانعان. اۋداندا ۆاكسينالار قورى جەتكىلىكتى، 23 ەگۋ پۋنكتتەرى ورنالاستىرىلدى، وعان 34 بريگادا مەن 163 مەديسينا قىزمەتكەرى جۇمىلدىرىلعان. ءبىزدىڭ دارىگەرلەر ۆاكسينالانۋدىڭ بارىنشا قولجەتىمدى جانە ىڭعايلى ەتۋ ءۇشىن ءبارىن جاساۋدا. مەن ءالى ۆاكسينا الماعانداردى ەكپە سالدىرۋعا شاقىرامىن»، - دەدى ب. اقجاروۆ.

اۋدان اكىمى الماتى تۇرعىندارىنىڭ جاۋاپكەرشىلىگى مەن ۇيىمشىلدىعى جوعارى بولعان سايىن، ادامداردىڭ دەنساۋلىعى مەن ءومىرىن ساقتايتىنىن ايتتى.

ب. اقجاروۆ اۋداندا  كاسىپورىندارداعى، ۇيىمدارداعى، قۇرىلىس الاڭدارى مەن شاعىن اۋداندارداعى ەكپە پۋنكتتەرىندە تۇرعىنداردى ۆاكسينالاۋ جالعاساتىنىن ايتتى.

ەسكە سالساق، الماتىدا 771 مىڭنان استام تۇرعىن كوروناۆيرۋس ينفەكسياسىنا قارسى ەگىلگەن. ۆاكسيناسيا زاماناۋي جانە ءقاۋىپسىز پرەپاراتتارمەن جۇرگىزىلەدى. جالپى العاندا، قالادا مەديسينالىق ۇيىمداردا، مەكتەپتەردە، مادەني جانە سپورتتىق نىسانداردا، بازارلار مەن ساۋدا ويىن-ساۋىق ورتالىقتارىندا 160 ەكپە پۋنكتى بار.