الماتىدا «حالىق قاتىساتىن بيۋدجەت» باعدارلاماسى بويىنشا قاراۋسىز قالعان بوس جەر زاماناۋي جاياۋ جۇرگىنشىلەر ايماعىنا اينالدى
الماتىدا تۇركسىب اۋدانىنداعى بايرون كوشەسى، 134ب مەكەنجايداعى جاڭا قوعامدىق كەڭىستىكتى اباتتاندىرۋ اياقتالدى. قاراۋسىز قالعان بوس جەردى زاماناۋي جاياۋ جۇرگىنشىلەر ايماعىنا اينالدىرۋ جونىندەگى جۇمىستار «حالىق قاتىساتىن بيۋدجەت» باعدارلاماسى اياسىندا ورىندالدى، دەپ حابارلايدى aqshamnews.kz.
اۋماعى 0،3 گا بولاتىن جاڭا قوعامدىق ايماق 2024 جىلدىڭ 25 قاراشاسىندا ءتورت ايلىق قۇرىلىس جۇمىستارىنان كەيىن اشىلدى.
جوباعا 80 مەتر تروتۋار سالۋ، 500 شارشى مەتر توسەنىش توسەۋ، 155 مەتر قورشاۋ ورناتۋ، 450 شارشى مەتر فۋتبول الاڭىن جايلاستىرۋ، بالالار مەن سپورت كەشەندەرىن قۇرۋ، سونداي-اق يتتەردى سەرۋەندەتۋگە ارنالعان الاڭ كىردى.
الماتى اكىمى ەربولات دوسايەۆ جۇمىس ساپارى جانە اۋدان تۇرعىندارىمەن كەزدەسۋ بارىسىندا دايىن نىساندى ارالادى.
«بۇل جوبا ءبىز ءۇشىن ناعىز سىيلىق بولدى. مۇندا ءبىز دەمالامىز، سپورتپەن شۇعىلدانامىز جانە بالالارمەن ۋاقىت وتكىزەمىز. ءبىز اۋماعىمىزدى اباتتاندىرۋدى وتىنگەن ەدىك، ءسوزىمىز ەستىلدى. ءبىز ءوز اۋدانىمىزدى دامىتۋعا جانە جايلى ءومىر ءسۇرۋ جاعدايلارىن جاساۋعا قاتىسا العانىمىزعا قۋانىشتىمىز»، - دەدى جەرگىلىكتى تۇرعىن.
قالا باسشىسى قالا تۇرعىندارىنىڭ ءومىر ءسۇرۋ ساپاسىن جاقسارتۋ ءۇشىن وسىنداي جوبالاردى ىسكە اسىرۋدىڭ ماڭىزدىلىعىن اتاپ ءوتتى.
«ءبىز كەز-كەلگەن بوس كەڭىستىكتى وزگەرتۋگە تىرىسامىز، ءتىپتى تۇرعىندارعا ۇيلەرىنىڭ جانىندا دەمالۋعا مۇمكىندىك بەرەتىن شاعىن اۋماقتاردى دا پايدالانامىز. بۇل الاڭ اۋدان تۇرعىندارى ءۇشىن تارتىمدى ورىنعا اينالادى دەپ سەنەمىن»، - دەدى ەربولات دوسايەۆ.
سونداي-اق، تۇرعىنداردىڭ ءوتىنىشى بويىنشا قالا باسشىسى اۋدان اكىمىنە جاڭا الاڭنىڭ پەريمەترى بويىنشا بەينەباقىلاۋ كامەراسىن ورناتۋدى تاپسىردى.
ايتا كەتەيىك، مەگاپوليستە «حالىق قاتىسان بيۋدجەت» باعدارلاماسى بەلسەندى جۇزەگە اسىرىلۋدا. اعىمداعى جىلى جوباعا 18،8 ملرد تەڭگە ءبولىندى، بۇل وتكەن جىلمەن سالىستىرعاندا 5،8 ملرد تەڭگەگە ارتىق. الماتىلىقتار اۋلالاردى، قوعامدىق كەڭىستىكتەردى اباتتاندىرۋ، سپورت جانە ويىن الاڭدارىن قۇرۋ بويىنشا 364 جوبانى ۇسىنۋعا جانە ىسكە اسىرۋعا مۇمكىندىك الدى.
