ماقسات — حالىقارالىق تۋريزم سالاسىنداعى ىنتىماقتاستىقتى نىعايتۋ جانە قالامىزعا تۋريستەر تارتۋ.
ونىڭ اياسىندا جەتەكشى تۋروپەراتورلار مەن اۋە كومپانيالارىمەن كەلىسسوزدەر جۇرگىزىلەدى، دەپ حابارلايدى aqshamnews.kz
قىتايدا الماتىنىڭ تۋريزم كۇندەرى وتەدى. قالا اكىمدىگىنىڭ مالىمەتىنشە، ءىس-شارا 14 قازاندا سياندا، ال 16 قازاندا بەيجىڭدە ۇيىمداستىرىلادى.
باعدارلاما اياسىندا قىتايدىڭ جەتەكشى تۋروپەراتورلارى جانە اۋە كومپانيالارىمەن كەلىسسوزدەر، سونداي-اق الماتىنىڭ بىرەگەي تۋريستىك ۇسىنىستارىنىڭ تۇساۋكەسەرى جوسپارلانعان. قاتىسۋشىلار قازاقستاندىق ارتيستەردىڭ ونەرىن تاماشالاپ، قولونەرشىلەردىڭ شەبەرلىك دارىستەرىنە قاتىسىپ، ۇلتتىق تاعامداردىڭ ءدامىن تاتادى.
سوڭعى كۇنى ءىرى تۋروپەراتورلار اراسىندا الماتىدا تۋردىڭ ۇتىس ويىنى وتكىزىلەدى. جەڭىمپازدار «مەدەۋ» مەن «شىمبۇلاق» سياقتى كورنەكى ورىندارمەن تانىسا الادى.