الماتىنىڭ تۋريزم باسقارماسىنىڭ مالىمەتىنشە، 2025 جىلى قاڭتار-قىركۇيەك ايلارىنىڭ قورىتىندىسى بويىنشا تۋريستىك سالاداعى نەگىزگى كاپيتالعا تارتىلعان ينۆەستيسيا كولەمى 113،2 ملرد تەڭگەگە جەتتى.
بۇل 2024 جىلدىڭ وسى كەزەڭىمەن سالىستىرعاندا 47،4% كوپ، - دەپ حابارلايدى Aqshamnews.kz.
2025 جىلى ءبىرىنشى جارتىجىلدىقتا سالانىڭ جالپى قوسىلعان قۇنى 559،3 ملرد تەڭگەگە جەتتى. بۇل وتكەن جىلدىڭ التى ايىمەن سالىستىرعاندا ەكى ەسە جوعارى ءارى تۋريستىك سەكتوردىڭ ەكونوميكالىق ماڭىزدىلىعى ارتىپ كەلە جاتقانىن كورسەتەدى.
قالاداعى ورنالاستىرۋ نارىعىندا دا ايتارلىقتاي وزگەرىس بار: الماتىداعى نومىرلىك قور — 12 552 ءنومىر (ءوسىم 8%)، 377 ورنالاستىرۋ ورنى جۇمىس ىستەيدى، ءبىر مەزەتتە 22 768 ادام قابىلداي الادى.
2025 جىلدىڭ باسىنان بەرى تۋريزم يندۋسترياسىندا جەكە ينۆەستور ەسەبىنەن 34 جاڭا نىسان ىسكە قوسىلدۆ. ولاردىڭ ىشىندە: 11 قوناق ءۇي، 1 گلەمپينگ، 1 كاپسۋلالى قوناق ءۇي، 18 حوستەل، 3 دەمالىس بازاسى كىرەدى.
سونىمەن قاتار 6 794 نومىرگە ارنالعان 58 قوناق ءۇي قۇرىلىسى جوباسىنا جانە تۋريستىك نىسانداردى جوبالاۋ مەن سالۋدىڭ 35 جوباسىنا تۇراقتى مونيتورينگ جۇرگىزىلىپ جاتىر.
«ينۆەستيسيانىڭ ارتۋى كاسىپكەرلەر ءۇشىن جاڭا مۇمكىندىك اشادى، تۋريستىك قىزمەتتىڭ اياسىن كەڭەيتۋگە جانە زاماناۋي سەرۆيس ستاندارتتارىن ەنگىزۋگە جاعداي جاسايدى. باستى باسىمدىق — ماۋسىمارالىق كەزەڭدە نىسانداردىڭ جۇكتەمەسىن ارتتىرۋ، MICE-باعىتىن دامىتۋ جانە شەتەلدىك قوناقتارعا ساپالى قىزمەت كورسەتۋدى قامتاماسىز ەتۋ»، — دەدى الماتى قالاسى تۋريزم باسقارماسىنىڭ وكىلدەرى.