الماتىنىڭ تۇرعىن الابىندا ەسىرتكى زەرتحاناسى انىقتالدى

زەرتحانا ناۋرىزباي اۋدانىندا ورنالاسقان كوپقاباتتى تۇرعىن ۇيلەردىڭ بىرىنەن انىقتالدى.

جەدەل ۋاكىلدەر، كادىمگى پاتەردە ەسىرتكى زەرتحاناسىن ۇيىمداستىرعان 29 جاستاعى ەر ادامدى ۇستادى، دەپ حابارلايدى aqshamnews.kz 

– وسى ۇيدە، ءتىنتۋ كەزىندە سۇيىقتىق قۇيىلعان كانيسترلەر، سۇيىقتىق قۇيىلعان شىنى بانكالار، پرەكۋرسورلارى بار 20 ليترلىك 8 كانيستر، ەلەكتروندى تارازىلار، رەسپيراتورلار، ۇنتاق زاتى بار جاشىك جانە باسقا دا قۇرال-جابدىقتار تابىلىپ، تاركىلەندى. سوت-حيميالىق ساراپتاما كورسەتكەندەي، بۇل شيكىزاتتى كۇدىكتى، سينتەتيكالىق مەفەدرون ەسىرتكىسىن جاساۋ كەزىندە پايدالانعان. ەسىرتكى بەتبەلگىلەرىن دە ءوز بەتىمەن جاساعان. كۇدىكتى قاماۋعا الىندى. ەسىرتكى ءوندىرۋ جانە ساتۋ دەرەگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر، – دەدى، الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇماباي.

قازاقستان ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.