الماتى قالاسى تجد قىزمەتكەرلەرىنىڭ بالالار قاۋىپسىزدىگى مادەنيەتىن ناسيحاتتاۋ جانە دامىتۋ جونىندەگى ىس-شارالارىمەن 2،5 مىڭ بالا قامتىلدى، دەپ حابارلايدى Almaty-akshamy.kz.
«ەرەكشە بالالارى» بار الەۋمەتتىك قىزمەت كورسەتۋ ورتالىقتارىندا، قامقورلىققا الىنعان بالالار ۇيلەرىندە جانە مەگاپوليستىڭ ءىرى ويىن-ساۋىق ساياباقتارىندا، ونىڭ ىشىندە «Family park»، «تۇڭعىش پرەزيدەنت»، ي.گاندي اتىنداعى پارك، «گۇلدەر»، «قۇتقارۋشىلار اللەيالارى» جانە ت. ب. «قاۋىپسىزدىك بۇرىشتارىندا» - جاس الماتىلىقتار موتوسيكل ەكيپاجدارىمەن جانە قۇتقارۋ تەحنيكاسىمەن تانىستى، بالالار ءۇشىن سۋ ايدىندارى، ءورت پەن جەر سىلكىنىسىندەگى ەرەجەلەردى بىلۋگە ارنالعان سۋرەتتەر كونكۋرستارى، بي ويىندارى مەن ۆيكتورينالار ۇيىمداستىرىلدى.
سونىمەن قاتار، قالانىڭ بارلىق ءورت ءسوندىرۋ بولىمدەرىندە كىشكەنتاي قوناقتار ءۇشىن «اشىق ەسىك كۇندەرى» وتكىزىلدى.
اكسيانىڭ بارلىق جاس قوناقتارى ءورت ءسوندىرۋ ماشيناسىنىڭ فونىندا سۋرەتكە ءتۇسىپ، كولىك جۇرگىزىپ، ءورت سوندىرۋشىلەردىڭ جابدىقتارىن كيىپ، ءورت وقپانىنان سۋمەن «اتىپ» كوردى.
ەستەرىڭىزگە سالا كەتەيىك، اعىمداعى جىلدىڭ باسىنان باستاپ تجد جانە رجقج ءورت سوندىرۋشىلەرى تج ورىندارىنان 93 ادامدى قۇتقاردى، ونىڭ 23ء-ى بالالار .