الماتىنىڭ قالا قۇرىلىسىن باقىلاۋ باسقارماسىنىڭ حابارلاۋىنشا، جانتوبە باۋ-باقشا سەرىكتەستىگىندە (ۋچ. 51) ورنالاسقان ءۇش قاباتتى قۇرىلىسى ءجۇرىپ جاتقان نىسان بۇزىپ جاتىر. اتالعان نىسان توپىراق كوشكىنى ءقاۋپى بار ايماقتا ورنالاسقان، دەپ حابارلايدى aqshamnews.kz
بۇعان دەيىن مەنشىك يەسىنە (جەكە تۇلعا) رۇقسات قۇجاتتارىنىڭ بولماۋىنا بايلانىستى اكىمشىلىك شارالار قولدانىلىپ، جوسپاردان تىس تەكسەرۋ اياسىندا زاڭبۇزۋشىلىقتاردى جويۋ تۋرالى نۇسقاما بەرىلگەن.
كەيىن باسقارما تاراپىنان بۇل نۇسقامانى ماجبۇرلەپ ورىنداتۋ، اتاپ ايتقاندا نىساندى بۇزۋ تۋرالى تالاپپەن الماتى قالاسى مەدەۋ اۋداندىق سوتىنا تالاپ-ارىز بەرىلدى.
سوت تالاپ-ارىزدى قاناعاتتاندىرىپ، 2024 جىلعى 26 ماۋسىمدا نىساندى بۇزۋ تۋرالى شەشىم شىعاردى.
قازىرگى تاڭدا نىساندى ءسۇرۋ جۇمىستارى ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن باستالدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا 2023 جىلدىڭ باسىنان بەرى 74 زاڭسىز نىسان، ونىڭ ىشىندە «مەچتا»، KHAN تۇرعىن ءۇي كەشەندەرى جانە باسقا دا عيماراتتار تولىق نەمەسە جارتىلاي بۇزىلدى.