الماتىنىڭ شەتىندە ءوق-دارى مەن «مولوتوۆ كوكتەيلى» جاسىرىلعان ورىن تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
تابىلعان زاتقا «دارحان» ىقشاماۋدانىنىڭ تۇرعىنى تاپ بولعان، ول بىردەن دابىل قاققان.
«102 پۋلتىنە حابار بەرگەن ازاماتتىڭ ايتۋىنشا، ول تۋننەلدەن ءوق-دارى سالىنعان پاكەت تاۋىپ العان. جەدەل تەرگەۋ توبى وقيعا ورنىن تەكسەرۋ ناتيجەسىندە گراناتالار، 5،45 مم كاليبرلى پاتروندار، 9 مم كاليبرلى پاتروندار، 2،3 كاليبرلى پاتروندار، سانى بويىنشا پروتيۆوگاز، ريەۆولۆەر، سونىمەن قاتار، «مولوتوۆ كوكتەيلىن» تاركىلەدى. بۇل دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 287-بابى 2ء-بولىمى بويىنشا تىركەلدى. قارۋ مەن ءوق-دارiلەردiڭ كورسەتiلگەن جەردە پايدا بولۋ ءمان-جايلارى جەدەل ءىس-شارالار بارىسىندا انىقتالاتىن بولادى. ءتيىستى ساراپتامالار تاعايىندالدى. ابىروي بولعاندا، ومىرگە ءقاۋىپ توندىرەتىن زاتتار سالىنعان پاكەتتى بالالار تاۋىپ الماعان»، – دەدى الاتاۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.