الماتى قالاسىنىڭ وڭىرلىك كوممۋنيكاسيالار قىزمەتىندە قالانىڭ دامۋىنا ەلەۋلى ۇلەس قوسقان ايەلدەرگە ارنالعان باسپا ءسوز كونفەرەنسياسى ءوتتى.
ءىس-شارا قوناقتارىنىڭ ءبىرى-قوعام قايراتكەرى، قاتىناس جولدارىنىڭ ينجەنەرى، ەڭبەك قىزىل تۋى جانە «قۇرمەت» وردەندەرىنىڭ يەگەرى كلارا لەتنيكوۆا بولدى، دەپ حابارلايدى aqshamnews.kz.
كلارا لەتنيكوۆا ءوزىنىڭ كاسىبي مانسابىن 1958 جىلى اقپاندا سۆەردلوۆسك اۆتوموبيل-جول تەحنيكۋمىن ءبىتىرىپ، سول كەزدەگى الماتىعا جۇمىسقا شاقىرۋ العان ساتتەن باستادى. ول 23 جى-لىن قالانى كوركەيتۋگە ارناپ، قۇرىلىس باسقارماسىنىڭ باستىعى لاۋازىمىنا جەتتى.
الماتى سول جىلدارى قارقىندى دامىپ، قالانىڭ جاڭا كەلبەتى قالىپتاستى. ول باسشىلىق ەتكەن كەزەڭدە جولدار، ەسكەرتكىشتەر، سۋبۇرقاقتار، سونداي-اق الماتىداعى العاشقى جەراستى وتكەلدەرى سالىندى.
ول 1975 جىلى جەڭىستىڭ 30 جىلدىعىنا وراي قازاقستانداعى ۇلى وتان سوعىسىنىڭ باستى ەسكەرتكىشتەرىنىڭ بىرىنە اينالعان 28-پانفيلوۆشىلار ساياباعىنداعى ماڭگىلىك الاۋى بار داڭق مەموريالىنداعى جۇمىسىن ەرەكشە ماقتان تۇتاتىنىن اتاپ ءوتتى.
«مەن وسى جەڭىس سيمۆولىن سوعۋعا قاتىسقانىمدى ماقتان تۇتامىن. بۇل ەسكەرتكىش ءبىز ءۇشىن جاي عانا قۇرىلىس نىسانى ەمەس، ناعىز تاريحي ميسسيا بولدى. ءبىز ونى 1975 جىلدىڭ ساۋىرىن-دە، 50 جىل بۇرىن تۇرعىزدىق. كوپتەگەن ارداگەرلەر مەن ولاردىڭ وتباسىلارى ءۇشىن بۇل ەس-كەرتكىش جەڭىس پەن قايسارلىقتىڭ سيمۆولىنا اينالدى. بۇگىندە، 9 مامىر كۇنى، ادامدار وسى جەرگە كەلىپ، ماڭگىلىك الاۋعا تاعزىم ەتەدى. بۇل – ۇرپاقتار ساباقتاستىعى مەن ەستەلىكتىڭ ماڭگىلىگىن كورسەتەدى. بۇگىندە ءبىز جەڭىستىڭ 80 جىلدىعىن اتاپ وتۋگە جاقىنداپ قالدىق»، – دەيدى كلارا لەتنيكوۆا.
قۇرىلىس سالاسىنداعى تابىستى مانسابىنان كەيىن كلارا لەتنيكوۆا ءوز قىزمەتىن ونەركاسىپ، الەۋمەتتىك قورعاۋ، كولىك، قۇرىلىس جانە كاسىپوداق جۇيەسىن باسقارۋ سالالارىندا جالعاستىردى.
زەينەتكە شىققاننان كەيىن دە ول قوعامدىق جۇمىستارعا بەلسەندى ارالاسىپ، ءوز تاجىريبەسى مەن ءبىلىمىن حالىق يگىلىگى ءۇشىن پايدالانۋدا.