الماتىنىڭ قاينازار اۋىلى جارىققا جارىماي وتىر

ەلەكتر باعاندارىن جاڭارتۋ ءۇشىن قاراجات بولىنگەن.

الماتى وبلىسىنىڭ قاينازار اۋىلىندا ەلەكتر جارىعى ءجيى ءوشىپ قالادى، دەپ حابارلايدى Almaty-akshamy.kz

جەل تۇرسا، اۋىل تۇرعىندارىنىڭ مازاسى كەتەدى.

«كەشە ەلەكتر جارىعى 5 رەت ءوشتى. ساقالىمدى الىپ تۇرعان ەدىم. سول كۇيى الا المادىم. بەرەدى، وشىرەدى. بوران بولسا ءبىر ءسارى. وتە ءجيى وشىرەدى. وشپەگەننىڭ وزىندە قۋاتى وتە ءالسىز. ءۇي قاراڭعى»، - دەيدى ومارقاجى شاقايەۆ.

قاينازار – جارتى عاسىردان استام تاريحى بار جامبىل اۋدانىنداعى اۋىل. بۇرىن شاعىن بولعانىمەن، ءقازىر ىرگەسى كەڭىگەن، 6500 ادام تۇرادى. قونىستانۋشىلار كوپ.

«جاڭا قونىستانىپ جاتقان جاقتا سەمەنت باعانالار ورناتىلعان. ال مىنا ەسكى قاينازاردا ەلەكتر باعانالارى مەن سىمدار 1968 جىلدان بەرى جاڭارتىلماعان. ءتىپتى ەلەكتر سىمدارى دا ءجيى ۇزىلەدى. ماماندار ونى جالعاۋمەن عانا كەلەدى»، - دەيدى اۋىل تۇرعىنى.

ال اۋىل اكىمىنىڭ ءۋاجى مۇلدەم باسقا. ايتۋىنشا، ەلەكتر جارىعى كۇنىنە 5 رەت وشپەيدى. اپاتتىق جاعداي بولعان كەزدە جوندەۋ جۇمىستارى ۋاقىتىلى جۇرگىزىلەدى.

«ەلەكتريكتەر اعاش كەسەتىن كەزدە نەمەسە جوندەۋ جۇمىستارىنا باينالىستى وشىرەتىن بولسا، اكىمشىلىك تاراپىنان حالىققا الەۋمەتتىك جەلى جانە اۋىلدىڭ ۆاتساپ چاتتارى ارقىلى حابارلاندىرۋ بەرىلىپ وتىرادى»، - دەيدى قاينازار اۋىلىنىڭ اكىمى نۇرجان قاناعات ۇلى.

جەرگىلىكتى بيلىكتىڭ ايتۋىنشا، ەلەكتر باعاندارىن جاڭارتۋ ءۇشىن قاراجات بولىنگەن، جوبالىق سمەتالىق قۇجاتتارى دايىن. 2023 جىلدىڭ باسىنان اتالعان جوبا جۇزەگە اسا باستايدى.