بۇل تۋرالى 31 قازاندا اتاپ وتىلەتىن دۇنيەجۇزىلىك جيناق كۇنى قارساڭىندا «وتباسى بانكى» الماتى قالالىق فيليالىنىڭ ديرەكتورى داناگۇل ءتۇسىپوۆا وكق الاڭىندا ايتتى، دەپ حابارلايدى almaty-akshamy.kz
«20 جىل بويى ءبىز قازاقستاندىقتارعا ۇنەمدەۋدى ۇيرەتىپ كەلەمىز. جيناقتاۋ مۇمكىندىگى 480 مىڭنان استام قازاقستاندىق وتباسىنا تۇرعىن ءۇي ماسەلەسىن شەشۋگە كومەكتەستى. ءوز قاراجاتتارىڭىزدى دۇرىس جۇمساۋدى جانە جيناۋدى ۇيرەنۋ كەرەك. «وتباسى بانكىندە» وسىنداي مۇمكىندىك بار، ويتكەنى جيناق شوتتارىن اشا وتىرىپ، ولاردان اقشانى قالاعان كەزدە الۋعا بولمايدى. ءبىز جىلىنا ءبىر رەت قانا ءىشىنارا الۋعا مۇمكىندىك بەرەمىز، - دەپ ءتۇسىندىردى وتباسى بانكىنىڭ الماتى قالالىق فيليالىنىڭ ديرەكتورى داناگۇل ءتۇسىپوۆا.
بۇل رەتتە دەپوزيتتەردىڭ مەرزىمدەرى شارتتى، جىل سايىن جيناقتالعان سوماعا مەملەكەت سىيلىقاقىسى ەسەپتەلەدى.
«مەملەكەت سالىمشىلاردى 29 جەلتوقسانداعى جاعداي بويىنشا كوتەرمەلەيدى. كليەنتتەر شوتتارىن قانشا اقشا جيناعانىن تەكسەرۋى كەرەك. ەگەر ءبىر جىل ىشىندە كليەنت كەمىندە 690 مىڭ تەڭگە جيناعان بولسا، وعان ەڭ جوعارى سىيلىقاقى بەرىلەدى. ەگەر كليەنت بۇدان الدەقايدا كوپ سوما جيناعان بولسا، وندا وتباسى مۇشەلەرىنە شوت اشۋدى ۇسىنامىز. بۇل جاعدايدا ءسىز مەملەكەتتىك سىيلىقتى كوبىرەك الا الاسىز. ال سىيلىقاقى تۇسكەننەن كەيىن نەمەسە نەسيەلەۋ الدىندا دەپوزيتتەردى بىرىكتىرىڭىز»، - دەپ جالعاستىردى د.ءتۇسىپوۆا.
باسپا ءسوز ءماسليحاتىن تەك جۋرناليستەر عانا ەمەس، الماتى تۇرعىندارى دا كوردى. كەلىپ تۇسكەن سۇراقتاردىڭ ءبىرى قارت ادامدارعا نەسيە بەرۋ تۋرالى بولدى.
«64 جاستاعى زەينەتكەر وتباسى بانكى ارقىلى يپوتەكا الا الا ما؟ باستاپقى جارنا 14 ملن تەڭگە بولعان جاعدايدا»، - دەپ سۇرادى الەۋمەتتىك جەلىلەردە.
داناگۇل ءتۇسىپوۆا «وتباسى بانكى» 65 جاسقا تولماعان كليەنتتەرگە نەسيە بەرەتىنىن ءتۇسىندىردى.
«وسى جاعدايداعىداي 64-تە بولىپ، جاسى بويىنشا شەكتەۋ بولسا، وندا جاس قوسالقى قارىز الۋشىلاردى تارتا وتىرىپ، كرەديت الۋعا ءوتىنىش بەرۋگە بولادى. سودان كەيىن نەسيەلەۋ مەرزىمى 70 جىلعا دەيىن ۇزارتىلادى. بۇل جاساۋ مۇمكىندىگى بار»، - دەپ ءتۇسىندىردى سپيكەر.