الماتى اكىمى ەربولات دوسايەۆ ناۋرىزباي اۋدانى تۇرعىندارىمەن كەزدەسۋدە 2024 جىلعى اۋداننىڭ الەۋمەتتىك-ەكونوميكالىق دامۋ قورىتىندىسى ونىڭ ەكونوميكاسىنىڭ وڭ ديناميكا كورسەتكەنىن اتاپ ءوتتى، دەپ حابارلايدى aqshamnews.kz
قالا باسشىسىنىڭ ايتۋىنشا، 2024 جىلى ناۋرىزباي اۋدانى الماتىداعى بارلىق اۋدان ىشىندە وڭدەۋ ونەركاسىبىنىڭ ەڭ جوعارى ءوسىمىن – 28،3% كورسەتتى. قۇرىلىس جۇمىستارىنىڭ كولەمى 6% ءوسىپ، 90 ملرد تەڭگەگە جەتتى. نەگىزگى كاپيتالعا سالىنعان ينۆەستيسيا 172،7 ملرد تەڭگە بولىپ، وتكەن جىلمەن سالىستىرعاندا 17،8% ارتتى.
اۋداندا شاعىن جانە ورتا بيزنەس تە قارقىندى دامىپ كەلەدى: 25 مىڭ بەلسەندى شوب سۋبەكتىسى سالىق ءتۇسىمىنىڭ 46% ءوسۋىن جانە 5،4 مىڭ جاڭا جۇمىس ورنىنىڭ قۇرىلۋىن قامتاماسىز ەتتى. اۋدان بيۋدجەتى دە ايتارلىقتاي ۇلعايىپ، 2024 جىلى 60% ءوسىپ، 22،6 ملرد تەڭگە بولدى. 2025 جىلى ول تاعى 5% ارتىپ، 23،4 ملرد تەڭگەگە جەتتى.
ەربولات دوسايەۆ 2025 جىلى جۇمىستىڭ نەگىزگى باعىتى ينجەنەرلىك ينفراقۇرىلىمدى ودان ءارى جاڭعىرتۋعا، الەۋمەتتىك نىساندار سالۋعا، كولىك قولجەتىمدىلىگىن جاقسارتۋعا جانە قوعامدىق كەڭىستىكتەردى قۇرۋعا باعىتتالاتىنىن اتاپ ءوتتى.