جوبانى وسى جىلدىڭ سوڭىنا دەيىن اياقتاۋ جوسپارلانۋدا.
بۇل تۋرالى الماتىنىڭ ناۋرىزباي اۋدانىنىڭ اكىمى سانجار توعاي وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا مالىمدەدى. ول بۇل ماسەلەنىڭ جەرگىلىكتى اتقارۋشى ورگاندار ءۇشىن ءبىرىنشى كەزەكتەگى ماڭىزى بار ەكەنىن، ازىرگە تۇرعىنداردىڭ 30%-ى عانا تازا اۋىز سۋمەن قامتاماسىز ەتىلگەنىن اتاپ ءوتتى. قالعان 70%-ى اشىق سۋ قويمالارى مەن جەكە سكۆاجينانىڭ سۋىن پايدالانادى، دەپ حابارلايدى Almaty-akshamy.kz.
«ءيا، جاز ايلارىندا اۋىز سۋدىڭ تاپشىلىعى سەزىلەدى، سوندىقتان ءبىز سۋدى تۇرعىندارعا ارنايى تەحنيكامەن جەتكىزەمىز. بۇل قولايسىزدىقتارعا ءتيىستى جۇمىستار اياقتالعانشا تۇسىنىستىكپەن قاراۋدى سۇرايمىز»، - دەدى سانجار توعاي.
اكىم اقجار، شۇعىلا، تاستىبۇلاق، تاۋجولى، جايلاۋ، قارعالى، قۇرامىس شاعىن اۋداندارىندا قازىرگى ۋاقىتتا 122 شاقىرىم سۋ قۇبىرى مەن 85 شاقىرىم كارىز جەلىلەرىن تارتۋ جانە قارعالى وزەنىنە ءسۇزۋ ستانسياسىن سالۋ بويىنشا جۇمىستار جۇرگىزىلىپ جاتقانىن ايتتى. جۇمىس اياقتالعان سوڭ اۋداننىڭ 70 مىڭ تۇرعىنى تازا اۋىز سۋمەن قامتاماسىز ەتىلەدى.
بۇدان وزگە، قاراعايلى، قارعالى جانە تاۋسامالى شاعىن اۋداندارىنىڭ تۇرعىندارىن ۇزدىكسىز جانە ساپالى سۋمەن قامتاماسىز ەتۋ ماقساتىندا قارعالى وزەنىندە سۋ قابىلدايتىن نىساننىڭ قۇرىلىسى باستالدى.
بۇگىندە مۇندا سۋ قورى ءۇشىن ءارقايسىسى 4000 تەكشە مەتر بولاتىن ەكى سۋ قويماسىنىڭ، كولدەنەڭ شۇڭقىردىڭ، باقىلاۋ پۋنكتى بار كەڭسە ءۇي-جايلارىنىڭ بلوگىنىڭ، كىرەبەرىس جولدىڭ جانە ينجەنەرلىك جەلىلەردىڭ قۇرىلىسى بويىنشا جۇمىستار جۇرگىزىلۋدە.
قولدانىستاعى سۋ قابىلدايتىن قۋاتى 5440 ءتاۋ/م³، جوبالىق قۋاتتىلىققا سايكەس 2،75 ەسەگە 15 000 ءتاۋ/م3 دەيىن ۇلعايتۋ جوسپارلانۋدا. جوبانى وسى جىلدىڭ سوڭىنا دەيىن اياقتاۋ جوسپارلانۋدا.
«ءبىز حالىقتىڭ ءومىر ءسۇرۋ ساپاسىن جاقسارتۋ جانە جايلى ءومىر ءسۇرۋ ورتاسىن قالىپتاستىرۋ بويىنشا جۇمىستى ءارى جالعاستىرامىز»، - دەپ اتاپ ءوتتى سانجار توعاي.