الماتىنىڭ ناۋرىزباي اۋدانىنداعى مىڭداعان تۇرعىندار ورتالىقتاندىرىلعان سۋمەن جابدىقتاۋ جانە سۋدان بۇرۋ جۇيەلەرىنە قول جەتكىزە الادى

جسق-عا سايكەس، سۋمەن جابدىقتاۋ جانە سۋ بۇرۋ جۇمىستارى 2022-2023 جىلدارى جالعاسادى.

مەگاپوليس اكىمى باقىتجان ساعىنتايەۆ «الماتى» تا-داعى ونلاين-پرەزەنتاسيا كەزىندە ناۋرىزباي اۋدانىنىڭ قالاعا قوسىلعان شاعىناۋداندارى تۇرعىندارىنىڭ ەڭ باستى ماسەلەلەرىنىڭ ءبىرى قالاي شەشىلىپ جاتقانىن ايتتى، دەپ حابارلايدى Almaty-akshamy.kz.

بۇگىندە 156،1 مىڭ ادام تۇراتىن ناۋرىزباي اۋدانى ورتالىقتاندىرىلعان قالالىق سۋمەن جابدىقتاۋ جۇيەسىمەن 51،6% (80،6 مىڭ تۇرعىن) قامتىلعان. اۋدان حالقىنىڭ تاعى 24،1% (37،6 مىڭ تۇرعىن) سۋدى جەكە سكۆاجينالار مەن جەلىلەردەن الادى. تاسىمالداناتىن سۋمەن 37،9 مىڭ تۇرعىن (24،3%) قامتىلعان.

2020 جىلدان باستاپ قۇرامىس، تاۋجولى، اقجار، قارعالى، جايلاۋ، شۇعىلا، تاستىبۇلاق جانە تاۋسامالى سىندى 8 شاعىن اۋداندا  سۋمەن جابدىقتاۋدىڭ جانە سۋدان بۇرۋدىڭ جاڭا جەلىلەرىن تارتۋ بويىنشا قۇرىلىس-مونتاج جۇمىستارى جۇرگىزىلۋدە. سونداي-اق، قارعالى وزەنىندە سۇزگى ستانسياسى سالىنۋدا. 5 شاعىن اۋداندا كوممۋنيكاسيا تارتىلدى، جول جامىلعىسى قالپىنا كەلتىرىلۋدە، تۇرعىندار ءوز ۇيلەرىنەن ماگيسترالدى كارىز جەلىلەرىنە قوسۋدى جۇرگىزبەۋى سالدارىنان جۇمىس كەشەۋىلدەۋدە.

وتكەن جىلى تاستىبۇلاق، قارعالى، جايلاۋ شاعىن اۋداندارىندا 54 كم سۋ قۇبىرى جانە 30،5 كم سۋدان بۇرۋ جەلىلەرى سالىندى. جاڭا جەلىلەرگە 13 مىڭ ادام قوسىلدى. باتىس كارىز كوللەكتورىنىڭ 33 كم قۇرىلىسىنىڭ تەن جانە جسق جاسالدى.

اعىمداعى جىلى 5 شاعىن اۋداندا - شۇعىلا، اقجار، قۇرامىس، تاۋسامالى، تاۋجولىندا 66،5 كم سۋ قۇبىرى مەن 45،3 كم سۋ بۇر جەلىلەرىن سالۋ جوسپارلانعان. قۇرىلىس-مونتاج جۇمىستارى اياقتاۋ 2021 جىلدىڭ جەلتوقسانىنا جوسپارلانعان. 2021 جىلدىڭ ءبىرىنشى جارتىجىلدىعىندا سۋمەن جابدىقتايتىن 48،9 كم (73%) قۇبىر جانە 30،5 كم كارىز جەلىلەرى (67%) سالىندى.

اتاپ ايتقاندا، اقجار شاعىن اۋدانىندا 21 مىڭ ادام تۇرادى جانە مۇندا 5،5 مىڭ ءۇي بار، وتكەن جىلى 8،5 كم سۋ قۇبىرى، 6،7 كم سۋ بۇرۋ جەلىلەرى سالىندى. بيىلعى جىلى 10،5 كم سۋمەن جابدىقتاۋ جانە 9 كم سۋ بۇرۋ جەلىلەرى سالىنادى دەپ جوسپارلانۋدا.

شاعىن اۋداندا قۇبىر تارتۋ قارقىنى قيىنعا سوعۋدا. ويتكەنى، كوشەلەر تار ءارى تاستار ۇلكەن. جۇمىس قارقىنىن ەسكەرە وتىرىپ، داۋلەتكەرەي مەن بەكىشيەۆ اتىنداعى ەكى ماگيسترالدى كوشەگە قۇبىر تارتۋ كەلەر جىلى اياقتالاتىن بولادى.

قۇرامىس شاعىن اۋدانىندا 14،5 مىڭ ادام تۇرادى، مۇندا 3،8 مىڭ ءۇي بار. 7،5 كم سۋ قۇبىرى مەن 5،5 كم سۋ بۇرۋ جەلىلەرىنىڭ قۇرىلىسى اياقتالدى. اعىمداعى جىلى 2،8 كم سۋ قۇبىرى، 2،1 كم سۋ بۇرۋ جەلىلەرى سالىنادى دەپ جوسپارلانۋدا.

وتكەن جىلى شۇعىلا شاعىناۋدانىندا 4 كم سۋ قۇبىرى  مەن  1 كم سۋ بۇرۋ جەلىسىنىڭ قۇرىلىسى اياقتالدى. اعىمداعى جىلى 9،1 كم سۋ قۇبىرى، 6،5 كم سۋ بۇرۋ جەلىلەرى سالىنادى دەپ جوسپارلانۋدا. بارلىق قۇرىلىس-مونتاج جۇمىستارى 2022 جىلدىڭ سوڭىنا دەيىن اياقتالادى. جاڭا جەلىلەردىڭ ۇزىندىعى 20،6 كم قۇرايدى، ونى شۇعىلا شاعىن اۋدانىنىڭ 22 مىڭ تۇرعىنى پايدالانا الادى، مۇندا 750 ءۇي بار.

وتكەن جىلى تاستىبۇلاق شاعىناۋدانىنىڭ تومەن بولىگىندەگى، جاندوسوۆ كوشەسىنىڭ سولتۇستىگىنە قاراي 32،6 كم سۋمەن جابدىقتاۋ جانە 10،4 كم سۋ بۇرۋ جەلىلەرىنىڭ قۇرىلىسى اياقتالدى. جاڭا جەلىلەرمەن 4،5 مىڭ تۇرعىن قامتىلعان، مۇندا 1730 ءۇي بار. تاستىبۇلاق شاعىناۋدانىنىڭ جوعارى بولىگىندە 19،4 كم سۋ قۇبىرى، 8 كم سۋ بۇرۋ جەلىلەرىنىڭ قۇرىلىسى اياقتالدى. مۇندا 6،6 مىڭ ادام تۇرادى جانە 890 ءۇي بار. سۋمەن جابدىقتاۋ جەلىلەرىن پايدالانۋعا بەرۋ «اقساي» جانە «قارعالى» سۋ جينايتىن نىسانداردىڭ قۇرىلىستارى ىسكە قوسىلعان سوڭ مۇمكىن بولادى.

تاۋسامالى شاعىناۋدانىندا 33،9 كم سۋ قۇبىرى، 9،6 كم سۋ بۇرۋ جەلىلەرىن سالۋ جوسپارلانعان. 3،2 مىڭ ءۇي بار شاعىن اۋداننىڭ 12،2 مىڭ تۇرعىنى جەلىلەرگە قولجەتكىزەتىن بولادى.

تاۋجولى شاعىناۋدانىندا 3 مىڭ ادام تۇرادى، 4 مىڭ ءۇي بار. مۇندا 10 كم سۋ قۇبىرى جانە 3،5 كم سۋ بۇرۋ جەلىلەرى سالىندى. بيىلعى جىلى 5،3 كم جەلى سالۋ جوسپارلانعان، ونىڭ ىشىندە 3،9 كم سۋمەن جابدىقتاۋ، 1،4 كم سۋدان بۇرۋ.

جايلاۋ شاعىناۋدانىندا  2،2 مىڭ ادام تۇرادى جانە 810 ءۇي بار، 6 كم سۋدان ءبولۋ جەلىلەرى سالىنعان. اعىمداعى جىلى 1،8 كم سۋدان ءبولۋ جەلىسىنىڭ قۇرىلىسى جوسپارلانعان.

جالپى، ناۋرىزباي اۋدانىندا بيىل تاۋسامالى شاعىن اۋدانىنداعى 3، 2 مىڭ ۇيدە تۇراتىن 12،2 مىڭ ادام جاڭا سۋ جەلىلەرىنە قوسىلادى.

ناۋرىزباي اۋدانىندا 78،3 كم سۋمەن جابدىقتاۋ جەلىلەرى (اقجار ، قۇرامىس، تاستىبۇلاق (تومەنگى)، تاستىبۇلاق (جوعارعى)، تاۋجولى، شۇعىلا شاعىن اۋداندارى) سالىنادى. 19،6 كم سۋدان بۇرۋ جەلىلەرى  ( اقجار، قۇرامىس، تاۋجولى، شۇعىلا شاعىن اۋداندارى) سالىنادى.

جسق-عا سايكەس سۋمەن جابدىقتاۋ جانە سۋ بۇرۋ جۇمىستارى 2022-2023 جىلدارى جالعاسادى.

اعىمداعى جىلى تاۋسامالى شاعىناۋدانىنداعى 12،2 مىڭ تۇرعىن (3200 ءۇي) (100%) سۋمەن جابدىقتاۋدىڭ جاڭا  جەلىلەرىنە قوسىلادى.

تىكەلەي ەفيردى مىنا جەردەن كورۋگە بولادى.