ناۋرىزباي اۋدانىنىڭ كوشەلەرىن جارىقتاندىرۋ 95% - عا جەتتى. بۇل تۋرالى الماتى قالاسىنىڭ اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى، دەپ حابارلايدى aqshamnews.kz
«اعىمداعى جىلدىڭ سوڭىنا دەيىن ءبىز تاعى 69 شاقىرىم كابەلدىك جەلىنى اۋىستىرۋدى، 298 جارىقتاندىرۋ تىرەگىن جانە 3 000 - عا جۋىق شامدى ورناتۋدى جوسپارلاپ وتىرمىز»، - دەدى قالا باسشىسى.
سونداي-اق، 2025 جىلدىڭ سوڭىنا دەيىن حقب باعدارلاماسى وسى ايماقتاعى قالعان جارىقتاندىرىلماعان 30 كوشەلەر مەن اللەيالاردى جارىقتاندىرۋدى جوسپارلاپ وتىر.
ەربولات دوسايەۆ ناۋرىزباي اۋدانىن دامىتۋدىڭ ماڭىزدى باسىمدىقتارىنىڭ ءبىرى تۇرعىنداردى ساپالى جانە زاماناۋي ينجەنەرلىك ينفراقۇرىلىممەن كەشەندى قامتاماسىز ەتۋ بولىپ تابىلاتىنىن اتاپ ءوتتى.
بۇگىندە اۋداندا ەلەكتر جەلىلەرىنىڭ 83% – ى (2024 جىلى-85%) توزعان، بۇل تۇراقتى اۆاريالىق اجىراتۋلاردىڭ باستى سەبەبى بولىپ تابىلادى.
«اجك» اق جەلىسى بويىنشا 2024 جىلى 71 ترانسفورماتورلىق قوسالقى ستانسيا مەن 246،6 كم ەلەكتر جەلىلەرىنە كۇردەلى جانە اعىمداعى جوندەۋ جۇرگىزىلدى. 2025 جىلى 1 تاراتۋ جانە 18 ترانسفورماتورلىق قوسالقى ستانسيا، 34 كم ەلەكتر جەلىلەرى جوندەلەدى.
جالپى، قالادا ينجەنەرلىك جەلىلەردى جاڭعىرتۋ جانە رەكونسترۋكسيالاۋ بويىنشا كەشەندى شارالار بەلسەندى قابىلدانۋدا. وسىلايشا، قابىلدانىپ جاتقان شارالار 2025 جىلى ەلەكترمەن جابدىقتاۋ جەلىلەرىنىڭ توزۋىن 63،3% - عا دەيىن تومەندەتۋگە مۇمكىندىك بەرەدى.