بۇگىن تاستىبۇلاق شاعىناۋدانى، اقجار گۇلزارىندا 100 اعاش — تەرەك پەن قاراعاش كوشەتى وتىرعىزىلدى. ءىس-شاراعا جاستار، ارداگەرلەر جانە اۋداننىڭ بەلسەندى تۇرعىندارى قاتىستى. اعاشتاردىڭ ءبىر بولىگى كەسىلگەن اعاشتىڭ ورنىنا ەگىلگەن. بۇل جاسىل ايماقتاردى قالپىنا كەلتىرۋگە جانە ەكولوگيالىق تەپە-تەڭدىكتى ساقتاۋعا باعىتتالعان.
اۋدان بويىنشا اعاش ەگۋ جۇمىستارى 10 قاراشادان بەرى قارقىندى جۇرگىزىلىپ كەلەدى. 2025 جىلى جالپى 2 200 اعاش ەگۋ جوسپارلانعان: 1 500 — ەكولوگيا جانە قورشاعان ورتا باسقارماسى تاپسىرىسىمەن، 700 — ناۋرىزباي اۋدانى اكىمدىگىنىڭ باستاماسىمەن، ونىڭ ىشىندە كەسىلگەن اعاشتىڭ ورنىنا وتىرعىزۋ دا بار. بۇگىنگە دەيىن 600 اعاش ەگىلدى. ءىرى كوشەتتەر اباي جانە الاتاۋ داڭعىلدارىندا، قالعان اعاشتار «الما سيتي» تۇرعىن ۇيلەر كەشەندەرىندە (E1، E3، E4، E5) جانە اۋدان كوشەلەرىندە وتىرعىزىلدى.
«اۋداننىڭ كوز الدىڭدا وزگەرە باستاعانىن كورگەنىنە قۋانىشتىمىن، — دەدى ارداگەرلەردىڭ ءبىرى. — مۇنداي ءىس-شارالار ءارقايسىمىزعا قالامىزدى كوركەيتۋگە ۇلەس قوسۋعا مۇمكىندىك بەرەدى».
بارلىق اعاشتى كۇتىپ-باپتاۋ دۇمىستارى جۇرگىزىلەدى. قاجەت بولعان جاعدايدا قۋراعان اعاشتاردىڭ ورنىنا كوشەتتەر وتىرعىزىلادى.