الماتىدا 40 مونيتورينگ توبى جۇمىس ىستەيدى.
مونيتورينگتىك توپتار وتكەن دەمالىس كۇندەرى الماتىنىڭ سەگىز اۋدانىندا 25 كارانتين بۇزۋشىلىقتى انىقتادى، دەپ حابارلايدى Almaty-akshamy.kz.
بۇزۋشىلار تىزىمىندە «دۋپلەت» بيليارد بولمەسى، «لدينكا» كافەسى، «Billioner» كاراوكە بارى بار.
الماتىدا 40 مونيتورينگ توبى جۇمىس ىستەيدى. بيىل ولار 26 401 نىساندى تەكسەردى، ولاردىڭ 2 383-ىندە كارانتيندىك شارالار بۇزىلعانى انىقتالدى. مونيتورينگتىك توپتاردىڭ قۇرامىنا اۋداندىق اكىمدىكتەردىڭ وكىلدەرى، پوليسيا قىزمەتكەرلەرى، كاسىپكەرلەر پالاتاسىنىڭ ماماندارى مەن ەرىكتىلەر كىرەدى.
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ ايتۋىنشا، جىل باسىنان بەرى بەلگىلەنگەن شەكتەۋلەردى بۇزعانى ءۇشىن 4 524 حاتتاما تولتىرىلعان. سونىڭ ىشىندە زاڭدى تۇلعالارعا 149 764 115 تەڭگە سوماسىنا 427 حاتتاما، جەكە تۇلعالارعا قاتىستى بەتپەردە رەجيمىن بۇزعانى ءۇشىن 179 658 030 تەڭگە سوماسىنا 4 097 حاتتاما جاسالدى.
شەكتەۋ شارالارىن جۇيەلى تۇردە بۇزعانى ءۇشىن تولتىرىلعان 75 ماتەريالدى سانيتارلىق دارىگەرلەر مامانداندىرىلعان اۋدانارالىق اكىمشىلىك سوتتارعا تاپسىردى. سولاردىڭ 54ء-ى بويىنشا قىزمەتتى توقتاتۋ تۋرالى شەشىم قابىلداندى.
مونيتورينگتىك توپ وكىلدەرىنىڭ ايتۋىنشا، وتكەن اپتادا تەكسەرۋشىلەردىڭ ءموبيلدى توپتارى كۇشەيتىلگەن رەجيمدە جۇمىس ىستەدى. 920 مەكەمە تەكسەرىلدى، 60 بۇزۋشىلىقتار تىركەلدى. جالپى سوماسى 5 ميلليون تەڭگەدەن اساتىن 48 حاتتاما تولتىرىلدى. ەڭ كوپ بۇزۋشىلىق الاتاۋ اۋدانىنىڭ اۋماعىندا انىقتالدى. وندا تەكسەرۋشىلەر كارانتين تالاپتارى بۇزىلعان 28 مەكەمەنى انىقتادى.
دەمالىس كۇندەرى الماتىدا 25 كارانتين شارالارى بۇزعان وقيعا انىقتالدى. بۇل تىزىمدە قالا تۇرعىندارى اراسىندا تانىمال مەكەمەلەر بار. مىسالى، 17 ماۋسىمدا المالى اۋدانىندا 40-قا جۋىق ادام بولعان «دۋپلەت» بيليارد كلۋبى ءتيىستى تالاپتى بۇزعان.
سول كۇنى ناۋرىزباي اۋدانى سەيتبەكوۆ كوشەسىندەگى جەكە ۇيدە سانيتارلىق نورمالار مەن قاشىقتىقتى ساقتاماي 50-دەن استام ادام بولعان.
18 ماۋسىمدا تەكسەرۋشىلەر 200-دەن استام دەمالۋشى بولعان مەدەۋ اۋدانىنداعى «لەيد نايد شوۋ» بارىنداعى زاڭ بۇزۋشىلىقتى تىركەدى. وسى ءتۇنى «Billioner» كاراوكە بارى تاعى دا قۇقىق بۇزۋشىلار تىزىمىنە كىردى، وندا شامامەن 80 كەلۋشى بولدى.
19 ماۋسىمنان 20 ماۋسىمعا قاراعان ءتۇنى المالى اۋدانىنىڭ «لدينكا» كافەسىندە الەۋمەتتىك قاشىقتىقتى ساقتاماي 150 ادام بولعان. سول ءتۇنى تەكسەرۋشىلەر بوستاندىق اۋدانىنىڭ «Status» كومپيۋتەرلىك كلۋبىنان 80-نەن استام گەيمەردى شىعاردى.
ەسكە سالساق، الماتى «جاسىل» ايماقتا ورنالاسقانىنا قاراماستان، كۆي بويىنشا قالاداعى ەپيدەميولوگيالىق جاعداي كۇردەلى. وسىعان بايلانىستى وڭتۇستىك استانانىڭ تۇرعىندارى مەن قوناقتارى كوروناۆيرۋستىق ينفەكسيانىڭ ودان ءارى تارالۋىن بولدىرماۋ ءۇشىن سانيتارلىق نورمالار مەن كارانتين تالاپتارىن قاتاڭ ساقتاۋى كەرەك. كاسىپكەرلىك نىسانداردىڭ سانيتارلىق قاۋىپسىزدىك شارالارىن قاتاڭ باقىلاۋدا.
ەسكە سالساق، وتكەن اپتادا الماتىنىڭ باس سانيتارلىق دارىگەرى جانداربەك بەكشين ەۋروپا مەن رەسەيگە ەنگەن «ءۇندى» مەن COVID-19 ۆيرۋسىنىڭ باسقا دا مۋتاسيالارىنىڭ الەمدە تارالۋىنا بايلانىستى حالىقتى كارانتين شەكتەۋلەرىن ساقتاۋعا شاقىردى. الماتىلىقتارعا كۆي-دىڭ ءورشۋىن بولدىرماي ءارى قالىپتى ومىرگە ورالۋ ءۇشىن بەلسەندى تۇردە ۆاكسينالانۋ قاجەت.