جاڭا جىل قارساڭىندا الماتىنىڭ مەديسينالىق جەدەل جاردەم قىزمەتىنىڭ اۆتوپاركى JAC Sunray ماركالى 48 زاماناۋي اۆتوكولىكتى الدى. ونىڭ ىشىندە 12 «س» كلاستى جانە 36 «ۆ» كلاستى كولىك، دەپ حابارلايدى aqshamnews.kz
جاڭا كولىك الەمدىك برەندتەردىڭ وزىق مەديسينالىق جابدىقتارىمەن: رەانيماسيالىق قۇرىلعىلارمەن، دەفيبريللياتورلارمەن، ەلەكتروكارديوگرافتارمەن، وكپەنى جاساندى جەلدەتۋ اپپاراتتارىمەن جانە باسقا دا قاجەتتى جابدىقتارمەن جابدىقتالعان.
بۇل مەديسينالىق جەدەل جاردەمدى ەڭ جوعارى دەڭگەيدە كورسەتۋگە مۇمكىندىك بەرەدى.
اۆتوپاركتى جاڭارتۋ الماتى قالاسىنىڭ اكىمدىگى مەن قوعامدىق دەنساۋلىق ساقتاۋ باسقارماسىنىڭ قارجىلاندىرۋىنىڭ ارقاسىندا مۇمكىن بولدى. كەلەسى جىلى تاعى 50 جەدەل جاردەم كولىگىن ساتىپ الۋ جوسپارلانعان.
كۇن سايىن كەزەكشىلىككە 186 بريگادا كىرىسەدى، ولار كۇنىنە 3000-نان استام شاقىرۋعا قىزمەت كورسەتەدى.
2024 جىلدىڭ 11 ايىنىڭ قورىتىندىسى بويىنشا 990 مىڭنان استام شاقىرۋ ورىندالدى.
ءبىرىنشى جانە ءۇشىنشى ساناتتاعى شاقىرۋلارعا جەتۋدىڭ ورتاشا ۋاقىتى 12،6 مينۋتتى قۇرايدى، بۇل ۇلتتىق ستاندارتتارعا سايكەس كەلەدى.
وسى كەزەڭدە 142 ءساتتى رەانيماسيا جاسالدى.
بۇگىنگى كۇنى الماتى قالاسىنىڭ جەدەل جاردەم قىزمەتى قالانىڭ ءار اۋدانىندا ورنالاسقان 13 قوسالقى ستانسيانى قامتيدى، بۇل شاقىرۋلارعا جەدەل دەن قويۋدى قامتاماسىز ەتەدى.
وسى جىلدىڭ جازىندا التاي-1 شاعىن اۋدانىندا جاڭا قوسالقى ستانسيا اشىلدى، بۇل شۇعىل كومەكتى ودان ءارى قولجەتىمدى ەتتى.