الماتىنىڭ مەدەۋ جانە تۇركسىب اۋداندارىندا كولىك قوزعالىسى ۋاقىتشا جابىلادى

«الماتى جىلۋ جۇيەسى» ج ش س ۋاقىتشا قولايسىزدىقتارعا تۇسىنىستىكپەن قاراۋدى سۇرايدى.

قالامىزدىڭ ءۇش كوشەسىندە جىلۋ جەلىلەرىن جاڭعىرتۋ جۇمىستارى كەزىندە اۆتوكولىكتەر جۇرىسىنە شەكتەۋ قويىلادى، دەپ حابارلايدى aqshamnews.kz

الماتىنىڭ مەدەۋ جانە تۇركسىب اۋداندارىندا بىرنەشە كوشە بويىندا جىلۋ جەلىلەرىن قايتا جاڭعىرتۋ كەزەڭىندە اۆتوكولىكتەردىڭ قوزعالىسىنا شەكتەۋلەر ەنگىزىلەدى:

- 27 شىلدەدەگى ساعات 05:00-دەن 29 شىلدەدەگى ساعات 09:00-گە دەيىن قۇرمانعازى مەن دوستىق كوشەلەرىنىڭ قيىلىسىندا كولىك قوزعالىسى جابىلادى. ەكى باعىتتا دا اۆتوكولىك قوزعالىسى جابىلادى؛

- 26 شىلدەدەگى ساعات 23:00-دەن 28 شىلدەدەگى 22:00-گە دەيىن جەتىسۋ-جۇرگەنيەۆ كوشەلەرىنىڭ قيىلىسىندا كولىك قوزعالىسى شەكتەلەدى. ەكى باعىتتا دا اۆتوكولىك قوزعالىسى جابىلادى؛

- 26 شىلدەدەگى ساعات 23:00-دەن 29 شىلدەدەگى 09:00-گە دەيىن بەكماحانوۆ كوشەسىنىڭ بويىمەن ورلوۆسكايا كوشەسىنەن سپاسسكايا كوشەسىنە دەيىن قوزعالىس شەكتەلەدى. ەكى باعىتتا دا كولىك قوزعالىسى جابىلادى.

جاڭعىرتۋ جۇمىستارى كەزەڭىندە الگىرەكتە اتالعان اۋداندار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.

ۋاقىتشا شەكتەۋلەر پايدالانىلۋىنىڭ ءنورماتيۆتى مەرزىمى ءوتىپ كەتكەن قۇبىرجولدارىن جاڭعىرتۋ ۋچاسكەلەرىندە جوسپارلى جوندەۋ جۇمىستارىن جۇرگىزۋدىڭ قاۋىپسىزدىگىن قامتاماسىز ەتۋ ماقساتىندا ەنگىزىلىپ وتىر، بۇل – سونىمەن قاتار - قىستا تۇرعىندار جىلۋسىز جانە ىستىق سۋسىز قالماۋى ءۇشىن اپاتتىق جاعدايلاردىڭ تۋىنداۋ ءقاۋپىن بارىنشا ازايتۋعا مۇمكىندىك بەرەدى.

ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.