مەدەۋ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ جول جانە كولىك ينفراقۇرىلىمىن دامىتۋ جۇمىستارى تۋرالى اي̆تىپ بەردى.
قالا باسشىسى 2024 جىلى ۇزىندىعى 23 شاقىرىم 26 كوشە ورتاشا جوندەۋمەن قامتىلعانىن حابارلادى. بيىل 25 كوشەدە تاعى 23،7 شاقىرىم جولعا ورتاشا جوندەۋ جۇمىستارى جوسپارلانعان.
مەدەۋ اۋدانىندا كوشە-جول جەلىسىنىڭ ساپاسىن ارتتىرۋ ءۇشىن وتكەن جىلى 64 مىڭ شارشى مەتر جول جابىنى قالپىنا كەلتىرىلدى، 30 كوشەدە 14،3 كم تروتۋار جانە 10 شاقىرىم ارىق جەلىلەرى سالىندى. اعىمداعى جىلى 73 مىڭ شارشى مەتر جول جابىنىن جوندەۋدى، 9 كوشەدە 36 شاقىرىمنان استام جاڭا تروتۋارلار سالۋدى جانە 18 كوشەدە 5 شاقىرىمعا جۋىق ارىق جەلىلەرىن سالۋدى قوسا العاندا، ءبىرقاتار قوسىمشا جۇمىستاردى ورىنداۋ جوسپارلانۋدا.
كەزدەسۋ بارىسىندا الماتى اكىمى اۋداندا قوعامدىق كولىك قىزمەتتەرىنىڭ ساپاسىن ارتتىرۋ بوي̆ىنشا جۇرگىزىلىپ جاتقان جۇمىستار تۋرالى دا حاباردار ەتتى. 2024 جىلى جىلجىمالى قۇرام 300 بىرلىككە 1569 اۆتوبۋسقا دەي̆ءىن ۇلعاي̆تىلدى، بۇل 8 جاڭا مارشرۋتتى ۇي̆ىمداستىرۋعا، 42 قولدانىستاعى مارشرۋتتى جاڭارتۋعا جانە نىعاي̆تۋعا مۇمكىندىك بەردى. 2025 جىلعى مامىردا جىلجىمالى قۇرام 13 مارشرۋتتا تاعى 44 اۆتوبۋسقا ۇلعاي̆تىلاتىن بولادى.
جالپى الماتىدا 2025 جىلى قوعامدىق كولىكتىڭ قولجەتىمدىلىگىن ارتتىرۋ جانە دامىتۋ ماقساتىندا قالا اۋداندارى بوي̆ىنشا ودان ءارى بولە وتىرىپ، تاعى 800 جاڭا اۆتوبۋس ساتىپ الۋ جوسپارلانۋدا.