مەدەۋ اۋدانىنىڭ سامال-1 شاعىناۋدانىندا اللەيانى اباتتاندىرۋ جۇمىستارى اياقتالدى. جوبا 2025 جىلعا ارنالعان «حالىق قاتىساتىن بيۋدجەت» باعدارلاماسى اياسىندا جۇزەگە اسىرىلدى. بۇل تۋرالى مەدەۋ اۋدانىنىڭ اكىمدىگى حابارلادى.
جۇمىس بارىسىندا 1 100 شارشى مەتر جەرگە كەسپە تاس توسەلىپ، 2 700 شارشى مەتر جاسىل ايماق پەن كوگال اباتتاندىرىلدى. 21 زاماناۋي كوشە شامى، 14 ىڭعايلى ورىندىق پەن 14 قوقىس جاشىگى ورناتىلدى. جايلى دەمالىس ءۇشىن پەرگولا ورناتىلىپ، سپورتپەن اينالىسۋعا ارنالعان ۆوركاۋت-ايماقتار جاساقتالدى.
اللەيا تۇرعىندار باستاماسى مەن مەملەكەتتىڭ قولداۋى ارقاسىندا سەرۋەندەۋگە، بەلسەندى دەمالىس پەن قارىم-قاتىناسقا ارنالعان زاماناۋي كەڭىستىككە اينالدى.
اۋدان اكىمدىگىنىڭ مالىمەتىنشە، «حالىق قاتىساتىن بيۋدجەت» باعدارلاماسى اياسىندا 2025 جىلى مەدەۋ اۋدانىندا 34 جوبا جۇزەگە اسىرىلىپ جاتىر. ولاردىڭ ىشىندە 17 اۋلا اۋماعىن اباتتاندىرۋ، 13 قوعامدىق كەڭىستىكتى جاڭارتۋ جانە 4 ۋچاسكەگە اۆتوماتتى سۋارۋ جۇيەسىن ورناتۋ بار.