كولىك قاڭقاسىنىڭ مودەلى قالاداعى ەڭ تارتىمدى جانە تارتىمدىلىعى از ايماقتاردى تالداۋ، سونداي-اق جۇمىس ورىندارىنىڭ شوعىرلانۋى نەگىزىندە قالىپتاسادى، دەپ حابارلادى ازىرلەۋشىلەر قالالىق ءماسليحات دەپۋتاتتارى مەن ساراپشىلار قوعامداستىعى الدىنداعى جوسپاردىڭ تۇساۋكەسەرىندە.
جۇرگىزىلگەن تالداۋعا سايكەس، الماتىدا جۇمىس ورىندارىنىڭ 70% شوعىرلانعان اعىنداردى تارتۋدىڭ 3 ايماعىن بولۋگە بولادى. زەرتتەۋ ءۇشىن قىزمەت تۇرلەرىنىڭ ساناتتارىمەن (مىسالى، ساۋدا نىسانى – «كوتەرمە جانە بولشەك ساۋدا» قىزمەت ءتۇرى) جانە سىيىمدىلىعىمەن، ياعني جۇمىس ورىندارىنىڭ سانىمەن بايلانىستى تۇرعىن ەمەس نىسانداردىڭ كارتاسى پايدالانىلدى.
بۇعان قوسا، قاڭقانىڭ نۇسقاسىن تاڭداۋ كەزىندە باسقا دا تارتۋ نۇكتەلەرى ەسكەرىلەدى: ءىرى ساۋدا ورتالىقتارى مەن بازارلار، كولىك حابتارى، تابيعي، مادەني، سپورتتىق جانە ءبىلىم بەرۋ نىساندارى.
شەبەر-جوسپاردى «الماتىباسجوسپار» جانە كەشەندى كولىك جوبالارىن ىسكە اسىرۋ سالاسىنداعى ساراپشىلار ازىرلەگەن.