الماتىدا مەگاپوليس اكىمى ەربولات دوسايەۆتىڭ تاپسىرماسىمەن قالانىڭ 2030 جىلعا دەيىنگى كولىك قاڭقاسىنىڭ شەبەر-جوسپارى ازىرلەندى.
قالالىق ءماسليحات دەپۋتاتتارى مەن ساراپشىلار قاۋىمداستىعى الدىندا شەبەر-جوسپاردىڭ تۇساۋكەسەرى بارىسىندا الماتى اكىمىنىڭ ورىنباسارى اسقار ءامرين بۇگىنگى تاڭدا «ادامدار ءۇشىن قالا» قاعيداتىن ءىس جۇزىندە ىسكە اسىرۋعا مۇمكىندىك بەرەتىن ۇيلەسىمدى جول-كولىك كەشەنىن سالۋ ماڭىزدى ەكەنىن اتاپ ءوتتى، دەپ حابارلايدى اlmaty-akshamy.kz.
شەبەر-جوسپاردىڭ ماقساتى – الماتىنىڭ قالالىق موبيلدىلىگىن ارتتىرۋ جانە 2030 جىلعا دەيىن قوعامدىق كولىكتەردەگى ساپار سانىن 64%-عا ارتتىرۋ. بۇل كورسەتكىشتىڭ ءوسۋىنىڭ نەگىزگى درايۆەرى حالىقتىڭ جەكە كولىكتەن قوعامدىق كولىككە اۋىسۋ بولۋعا ءتيىس.
الماتىنىڭ قالالىق موبيلدىلىك سالاسىنداعى سىن-قاتەرلەردىڭ ىشىندە ساراپشىلار جەكە اۆتوكولىكتىڭ جوعارى ۇلەسىن، سونىمەن قاتار، قوعامدىق كولىكتىڭ تارتىمدىلىعىن قامتاماسىز ەتۋ ءۇشىن كوشە-جول جەلىسىن ۇزارتۋ جانە تۇزەتۋ قاجەتتىگىن اتاپ ءوتتى.
«جۇيەلى شارالار قابىلداۋ ءۇشىن بيىل مامىردا ءبىز الماتى قالاسىنىڭ 2040 جىلعا دەيىنگى باس جوسپارىن بەكىتتىك، ول كەڭىستىكتىك، اتاپ ايتقاندا، كولىك دامۋىنىڭ نەگىزىن قالادى. باس جوسپاردا الماتىنىڭ قالالىق موبيلدىلىگىن جاقسارتۋ بويىنشا ءبىرقاتار ءىس-شارالار، ونىڭ ىشىندە قالانىڭ كولىك قاڭقاسىن ازىرلەۋ كوزدەلگەن»، - دەدى اسقار ءامرين.
ايتا كەتۋ كەرەك، كولىك قاڭقاسىن ەنگىزۋ 2024 جىلى بولىنگەن كولىك جەلىسىن قۇرۋدان جانە رايىمبەك داڭعىلىن اباتتاندىرۋدان باستالادى.
