مەملەكەتارالىق ىزدەۋدە جۇرگەن شەتەلدىك ازامات قولعا ءتۇستى.
“زاڭسىز كەلۋشى – 2023” جەدەل-پروفيلاكتيكالىق ءىس-شاراسىنىڭ ءۇش كۇنىندە كولىك پوليسەيلەرى 73 ازاماتتى اكىمشىلىك جاۋاپكەرشىلىككە تارتتى، ونىڭ ىشىندە 58 شەتەلدىك قازاقستاندا بولۋ قاعيدالارىن بۇزعانى ءۇشىن، ونىڭ 54ء-ى تمد ازاماتتارى بولسا، الىس شەت ەلدەردەن كەلگەندەر سانى – 4، دەپ حابارلايدى Almaty-akshamy.kz.
بۇل تۋرالى كولىكتەگى پوليسيا دەپارتامەنتى باستىعىنىڭ ءبىرىنشى ورىنباسارى ماديار ايتۋعانوۆ حابارلادى. ونىڭ ايتۋىنشا، سوت شەشىمى بويىنشا 5 شەتەلدىك ەلدەن تىسقارى شىعارىلدى.
«سونداي-اق وسى ءىس-شارا بارىسىندا ستامبۇل – الماتى باعىتىنداعى اۋەرەيسى ۇشىپ كەلگەننەن كەيىن الماتى قالاسى اۋەجايىنداعى جەلىلىك پوليسيا ءبولىمىنىڭ قىزمەتكەرلەرى ق ر ۇقك شق-مەن بىرلەسىپ رەسەي فەدەراسياسىنىڭ قىلمىستىق كودەكسىنىڭ 158-بابى بويىنشا مەملەكەتارالىق ىزدەۋدە جۇرگەن 33 جاستاعى رەسەي فەدەراسياسىنىڭ ازاماتىن انىقتاپ، ۇستادى»، – دەدى ماديار ايتۋعانوۆ.
ەستەرىڭىزگە سالا كەتەيىك، 19-25 ماۋسىم ارالىعىندا قازاقستان رەسپۋبليكاسىندا زاڭسىز جۇرگەن ادامداردى انىقتاۋ جانە دەپارتامەنتتىڭ قىزمەت كورسەتۋ اۋماعىندا زاڭسىز كوشى-قون ارنالارىنىڭ جولىن كەسۋ ماقساتىندا “زاڭسىز كەلۋشى – 2023” جەدەل-پروفيلاكتيكالىق ءىس-شاراسى ءوتىپ جاتىر.