«جاسىل اۋلا» جوباسى الماتى قالاسىنىڭ المالى اۋدانىندا باستاۋ الدى.
قازىرگى تاڭدا بەس نەگىزگى اۋلاعا قايتا وڭدەلگەن ماتەريالداردى بولەك جيناۋعا ارنالعان جاڭارتىلعان تورلار (پلاستيكالىق بوتەلكەگە ارنالعان بولەك تور جانە تەك اليۋمينيي بانكاعا ارنالعان بولەك تور) قويىلدى، دەپ حابارلايدى Almaty-akshamy.kz.
«جاسىل اۋلا» جوباسىنىڭ ماقساتى - قالدىقتاردى بولەك جيناۋ، ەكولوگيالىق مادەنيەتتى ساقتاۋ جانە تۇرعىندارمەن بەلسەندى بايلانىس ورناتۋ.
جوبا الماتى قالاسى ەكولوگيا جانە قورشاعان ورتا باسقارماسىنىڭ جانە «جاسىل الماتى» جوبالىق كەڭسەسىنىڭ باستاماسىمەن الماتى قالاسىن دامىتۋدىڭ جول كارتاسى اياسىندا جۇزەگە استى. جوباعا «EN Social» قوعامدىق قورى جانە ECO Network قولداۋ كورسەتتى.
جوبا اياسىندا قامتىلعان اۋلالاردىڭ مەكەنجايلارى:
- قۇرمانعازى كوشەسى، 58؛
- جەلتوقسان كوشەسى، 166؛
- چايكوۆسكيي كوشەسى، 25؛
- ماقاتايەۆ كوشەسى، 130؛
- شاگابۋتدينوۆ كوشەسى، 45.
«ەگەر وسى اۋماقتاردا تۇرساڭىز، ءبىزدىڭ جوبامىزدى پايدالانعانىڭىزعا قۋانىشتىمىز»، - دەدى «جاسىل الماتى» ەكولوگيا باعىتى بويىنشا جوبالىق كەڭسەنىڭ باسشىسى ەۆگەنيي مۇحامەدجانوۆ.
ونىڭ ايتۋىنشا، مۇنداي تورلى كونتەينەرلەر بۇرىن قوقىس الاڭدارىنا قويىلعان. «وكىنىشكە قاراي، ولاردىڭ بارلىعى قوقىس الاڭىنا اينالدى، تۇرعىندار باسقا زاتتاردى دا تاستاعان. ويتكەنى ادامدارعا بۇل كونتەينەرلەردىڭ نە ءۇشىن قاجەت ەكەنىن ەشكىم تۇسىندىرگەن جوق. ەندى ءبىز بۇل جوبانى قايتادان قولعا الىپ جاتىرمىز جانە كونتەينەرلەر نە ءۇشىن ارنالعانى تۋرالى اقپارات ورناتتىق. الماتىلىقتاردى پلاستيككە ارنالعان كونتەينەرگە تەك پلاستيكالىق بوتەلكەلەردى، ال باسقا كونتەينەرگە - ەنەرگەتيكالىق جانە باسقا دا سۋسىنداردان قالايى بانكالاردى سالۋعا شاقىرامىز»، - دەدى ەۆگەنيي مۇحامەدجانوۆ.
ول تۇركىستاندا پلاستيكالىق بوتەلكەلەر قايتا وڭدەلەتىنىن ايتتى. سودان ولار مايكى، كوفتا، جاستىق، اۋىل شارۋاشىلىعى مەن جول قۇرىلىسىنا ارنالعان جابىندار شىعارادى. اليۋمينيي بانكالار دا قايتا وڭدەلەدى. مىسالى، قاراعاندىدا وسىنداي بانكالاردان قازاندار شىعاراتىن "قازۆتورچەرمەت" زاۋىتى بار.
قايتا وڭدەۋگە ارنالعان كونتەينەرلەر ۋاقىت وتە كەلە مەگاپوليستىڭ باسقا اۋداندارىندا دا پايدا بولادى، دەپ حابارلادى الماتى اكىمدىگىنىڭ جوبالىق كەڭسەسى.
قۇرمەتتى قالا تۇرعىندارى، ءسىز ءوزىڭىزدىڭ اۋلاڭىزدا وسىنداي كونتەينەر قويىلعانىن قالاساڭىز، ءوتىنىمدى مىنا ءنومىر بويىنشا قالدىرا الاسىز: +7 771 76 55 999 (WhatsApp).