الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆتىڭ ايتۋىنشا، شىعىندى وتەۋ ءراسىمى بارىسىندا راستايتىن قۇجاتتارى جوق كوپتەگەن كاسىپكەرلەردە سۇراقتار تۋىنداعان. الماتى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا سپيكەر تۇسىنىكتەمە بەردى، سونداي-اق بيزنەس-قوعامداستىقتى ءوزارا قولداۋ تۋرالى ايتتى، دەپ حابارلايدى اlmaty-akshamy.kz
كاسىپكەرلەر پالاتاسىنىڭ ديرەكتورى كوميسسياعا ولاردا بار وبەكتيۆتى دەرەكتەردى نەگىزگە الىپ، زاڭناما اياسىندا ىس-ارەكەت ەتۋدى ۇسىنادى.
«ءقازىر بىزدە تاۋاردىڭ بار ەكەنىن راستايتىن ۇرلانعان قۇجاتتارمەن تۋىنداعان جاعدايدى شەشۋ بويىنشا قانداي دا ءبىر ۇسىنىستار جوق. ءبىز بۇل ماسەلەنى كاسىبي اۋديتورلاردىڭ، بۋحگالتەرلەردىڭ، زاڭگەرلەردىڭ، تەرگەۋ ورگاندارىنىڭ قاتىسۋىمەن زەرتتەپ جاتىرمىز جانە ۇكىمەتكە ۇسىنىستار ەنگىزۋگە دايىنبىز. قازىرگى ۋاقىتتا كاسىپكەرلەر شىعىن سوماسىن ەكى تاسىلمەن راستاي الادى: ياعني سالىق ورگاندارىندا بار اينالىمداردان ەسەپتەۋ نەمەسە سوت ساراپتاماسىن جۇرگىزۋ ارقىلى»، - دەپ ءتۇسىندىردى ا. قوشمامبەتوۆ.
ءوتىنىم بەرگەن كەزدە كەلتىرىلگەن زالالعا بايلانىستى كاسىپكەر جەڭىلدەتىلگەن تەتىك بويىنشا (ياعني سوت ساراپتاماسىن جۇرگىزبەستەن) وتەۋدىڭ ءبىر نەمەسە بىرنەشە ساناتىن (جىلجىمايتىن، جىلجىمالى مۇلىك، تاۋارلىق-ماتەريالدىق قۇندىلىقتار) تاڭداۋعا ءتيىس.
وتەم سوماسىن ەسەپتەۋ راسىمىمەن كەلىسپەگەن جاعدايدا ءوتىنىش بەرۋشى قىلمىستىق ءىس جۇرگىزۋ كودەكسى شەڭبەرىندە سوت ساراپتاماسىنىڭ قورىتىندىلارىن قوسا بەرە وتىرىپ جۇگىنۋگە قۇقىلى.
ول زارداپ شەككەن بيزنەستى ورنالاستىرۋ ءۇشىن الاڭدار بولىنگەنىن ايتتى. مىسالى، «بايزاق» بيزنەس-ورتالىعى 10 كەڭسە ورنىن، Fifty four كوۆوركينگ-ورتالىعى 50 جۇمىس ورنىن، «Qaynar Bulaq – الماتىنىڭ قايناۋ كوزى» كوۆوركينگ-ورتالىعى 15 جۇمىس ورنىن ۇسىندى.
بۇدان باسقا، «ناركوستوپ» جوباسىنىڭ ەرىكتىلەرى مەن «سۆەتا ۆوكرۋگ سۆەتا» وقۋ ورتالىعى زارداپ شەككەن ەكى ورىن مەن قالا اكىمدىگىن تازالاۋدى ۇيىمداستىردى. ق ر جيھاز جانە اعاش وڭدەۋ ونەركاسىبى كاسىپورىندارى قاۋىمداستىعى شوب زارداپ شەككەندەرگە كورپۋستىق جيھاز دايىنداۋعا كومەك كورسەتتى. ق ر ساۋلەتشىلەر، ديزاينەرلەر جانە قۇرىلىس يندۋسترياسىنىڭ وزگە دە كاسىبي قاتىسۋشىلارى قاۋىمداستىعىنىڭ مۇشەلەرى ەكى كاسىپكەرگە ارنالعان جۇمساق جيھاز دايىنداۋعا تەگىن كومەك كورسەتتى.
ءوز كەزەگىندە «كومەك-استانا» ج ش س مەديسينالىق مەكەمە قىزمەتكەرلەرىنە وزىندىك قۇنىنان تومەن باعامەن 1583 كوستيۋم دايىنداۋعا كومەكتەستى. تاعى ءبىر «ار شونا» كاسىپورنى تەرەزەلەردى قالپىنا كەلتىرۋ ءۇشىن قاراجات ءبولدى. الماتىلىق بيزنەسمەندەردىڭ ءبىرى ەكى كاسىپكەرگە 500 000 تەڭگە كومەك كورسەتتى.
قاڭتارداعى وقيعالاردىڭ ناتيجەسىندە قازاقستاننىڭ شاعىن جانە ورتا بيزنەس وكىلدەرى ميللياردتاعان شىعىنعا ۇشىراعانى بەلگىلى. ۇكىمەت الدىندا ەل ەكونوميكاسىن تۇراقتاندىرۋ مىندەتى تۇر. اسىرەسە، الماتىداعى كۇردەلى جاعداي، وندا بۇگىنگى كۇنى وتىنىشتەردىڭ جارتىسى قارالدى. 10 ناۋرىزعا دەيىن شوب وتىنىمدەرىنىڭ 90%-ىن قاناعاتتاندىرۋ جوسپارلانىپ وتىر.
ايتۋار قوشمامبەتوۆ جاقىن ارادا الماتىنىڭ ىسكەرلىك ورتاسى قالپىنا كەلەتىنىنە سەنىم ءبىلدىردى.