سەرتيفيكات - تاۋاردىڭ شىققان ەلى قازاقستان رەسپۋبليكاسى ەكەنىن كۋالاندىراتىن قۇجات.
الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ وڭىرلىك كوممۋنيكاسيالار قىزمەتىنىڭ الاڭىندا ىشكى اينالىمعا جانە ەكسپورتقا ارنالعان تاۋاردىڭ شىعۋ تەگى تۋرالى سەرتيفيكاتتاردى، سونداي-اق يندۋستريالىق سەرتيفيكاتتى بەرۋ تۋرالى ەگجەي-تەگجەيلى ايتىپ بەردى، دەپ حابارلايدى Almaty-akshamy.kz
«ست-KZ» نىسانىنداعى تاۋاردىڭ شىعۋ تەگى تۋرالى سەرتيفيكات - تاۋاردىڭ شىققان ەلى قازاقستان رەسپۋبليكاسى ەكەنىن كۋالاندىراتىن قۇجات»، - دەپ حابارلادى ا. قوشمامبەتوۆ.
وسى تۇردەگى سەرتيفيكاتتار مەجەلى ەلدە تاريفتىك پرەفەرەنسيالاردى (كەدەندىك باجداردى تومەندەتۋ نەمەسە ودان بوساتۋ)، تاريفتىك ەمەس رەتتەۋدى (تاۋاردى اكەلۋگە/اكەتۋگە تىيىم سالۋلار، شەكتەۋلەر) الۋ ءۇشىن رەسىمدەلەدى. ال يندۋستريالىق سەرتيفيكات وتاندىق ءوندىرۋشىنىڭ مارتەبەسىن راستايدى.
اعىمداعى جىلدىڭ باسىنان باستاپ 14 جەلتوقسان بويىنشا الماتى قالاسىنىڭ كاسىپكەرلەر پالاتاسى 102 يندۋستريالىق سەرتيفيكات، «CT-KZ» نىسانىنداعى 714 سەرتيفيكات جانە ەكسپورتقا شىعارىلاتىن 9 319 سەرتيفيكات بەرىلدى.