الماتى اكىمى ەربولات دوسايەۆ حالىقپەن كەزدەسۋ بارىسىندا جەتىسۋ اۋدانىندا ينجەنەرلىك ينفراقۇرىلىمدى دامىتۋ جونىندەگى ناتيجەلەر مەن جوسپارلار تۋرالى ايتتى، دەپ حابارلايدى aqshamnews.kz aqshamnews.kz
ساپالى ينجەنەرلىك ينفراقۇرىلىمدى قامتاماسىز ەتۋ ءۇشىن الماتىدا جاڭا جەلىلەردى قايتا قۇرۋ جانە سالۋ بويىنشا بەلسەندى جۇمىستار جالعاسۋدا. جەتىسۋ اۋدانىندا 2024 جىلى 47 كم سۋمەن جابدىقتاۋ (28 كم) جانە سۋ بۇرۋ (19 كم) جەلىلەرى سالىندى، بۇل 36 كوشەدە 3،8 مىڭ ابونەنت ءۇشىن ورتالىقتاندىرىلعان جەلىلەرگە قول جەتكىزۋدى قامتاماسىز ەتۋگە مۇمكىندىك بەرەدى. اعىمداعى جىلدىڭ سوڭىنا قاراي 55 كوشەدە 60 كم سۋمەن جانە 71 كم سۋ بۇرۋدى قوسا العاندا، تاعى 131 كم سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسىن اياقتاۋ جوسپارلانۋدا.
قالا باسشىسى تۇرعىنداردىڭ وزدەرى شارۋاشىلىق تاسىلمەن سالعان ەسكى ينجەنەرلىك جەلىلەر 30 جىلدان استام ۋاقىت پايدالانىلعان كوشەلەردەگى ينفراقۇرىلىمدى جاقسارتۋعا ەرەكشە نازار اۋدارىلعانىن اتاپ ءوتتى. ماسەلەن، 2025 جىلدىڭ ماۋسىم ايىندا رىسقۇلوۆ – تاتىبەكوۆ – رايىمبەك – ءسۇيىنباي كوشەلەرىنىڭ الاڭىندا 4 مىڭنان استام ابونەنتتى قامتي وتىرىپ، جاڭا 25 كم سۋمەن جابدىقتاۋ جانە سۋ بۇرۋ جەلىلەرىن سالۋ جونىندەگى جوبانى ىسكە اسىرۋ باستالادى. جۇمىستاردى اياقتاۋ 2026 جىلدىڭ تامىزىنا جوسپارلانۋدا.