ازيزا جولدىباي، ماگيسترانت:
– تاۋەلسىزدىكتى قادىرلەۋ - بارىمىزگە بورىش. ويتكەنى بۇل ۇعىمنىڭ اياسى كەڭ، ورەسى بيىك. تۇسىنە بىلگەن جاننىڭ كەۋدەسىنە قۋانىش ورناتاتىن سەزىم. كەشەگى الاش الىپتارى ءاليحان بوكەيحان، ءمىرجاقىپ دۋلاتوۆ، احمەت بايتۇرسىن ۇلى اتالارىمىز وسى جولدا جان اياماي ەڭبەك ەتتى. ءومىرىن بەردى. حالقىنىڭ اردا ۇلدارىنىنىڭ ارمانىن جالعاۋ ءۇشىن ءبىز دە تىنباۋىمىز كەرەك. باستى مىندەت - ءىلىم مەن ءبىلىمدى دامىتۋ. عىلىمدى ىلگەرىلەتۋ. جان-جاقتى بىلىكتىلىكتى ارتتىرا بەرۋ قاجەت.
ءبىزدىڭ زامانىمىز جىلدامدىق پەن باسەكەلەستىككە قۇرىلعان. ءسىزدىڭ بۇگىن اشقان جاڭالىعىڭىز ەرتەڭ وزەكتى بولماۋى مۇمكىن. سوندىقتان اقىل مەن قاجىر-قايراتتى بىرلەستىرە وتىرىپ قيمىلداعان ابزال. مىنە، وسىدان كەيىن بارىپ ءارقايسىمىزدىڭ ەلگە پايدامىز تيمەك.
قۇربان زۇلىپقار ۇلى، سپورت جاتتىقتىرۋشىسى:
– بارىمىز دا، باعىمىز دا - تاۋەلسىزدىك. شىنىمدى ايتسام، ىشتەي رازىمىن. مامىرجاي حالقىمىز بار. ونى تۇسىنە بىلەتىن سانالى جاس ۇرپاعىمىز ءوسىپ كەلەدى. بەيبىت مەكەندە عۇمىر كەشۋدەمىن. قولىنان ءىس كەلەتىندەردىڭ ءداۋىرى. ەڭ باستىسى، ناتيجەلى تىرلىك ىستەسە، قالعانى ءوز رەتىمەن كەلمەك. دۇنيەدە ءالى كۇنگە دەيىن ەگەمەندىكتى اڭسايتىندار قانشاما؟ ازات بولىپ، ءوز الدىنا كۇن كەشۋ ولارعا ساعىمداي كورىنۋدە. سول سەبەپتى ەل مەن جەردىڭ قاسيەتىن باعالاۋ پارىز دەپ سانايمىن.
جاراتقان يە بايتاق وتانىمىزدى ءتىل مەن كوزدەن ساقتاسىن! كوك بايراعىمىز اسپانىمىزدا ماڭگى جەلبىرەي بەرسىن!