جەتىسۋ اۋدانى الماتىدا ونەركاسىپ جانە ساۋدا كولەمى بويىنشا كوشباسشىلاردىڭ ءبىرى بولىپ تابىلادى. بۇل تۋرالى قالا باسشىسى ەربولات دوسايەۆ اۋدان تۇرعىندارىمەن ەسەپتىك كەزدەسۋ بارىسىندا مالىمدەدى.
ماسەلەن، 2023 جىلى جەتىسۋ اۋدانىندا ونەركاسىپ كولەمى 25،2% – عا، كوتەرمە ساۋدا-77% - عا ءوستى. اۋدان ەكونوميكاسىنا شامامەن 100 ملرد تەڭگە ينۆەستيسيا سالىندى، ونىڭ ءوسىمى 30،4% -. قۇرادى.
"بۇل الماتى قالاسىنىڭ بيۋدجەتىنە سالىق ءتۇسىمىن 33،6% - عا ۇلعايتۋعا جانە 4 809 جاڭا تۇراقتى جۇمىس ورنىن قۇرۋعا مۇمكىندىك بەردى"، - دەپ اتاپ ءوتتى ەربولات دوسايەۆ.
الماتىنىڭ جەتىسۋ اۋدانىندا 9،4 مىڭنان استام زاڭدى تۇلعا تىركەلگەن، ولار 44 مىڭنان استام ادامدى جۇمىس ورىندارىمەن قامتاماسىز ەتۋدە. سونداي-اق، 30،8 مىڭنان استام شاعىن جانە ورتا كاسىپورىندار جۇمىس ىستەيدى.
الماتى اكىمى حابارلاعانداي، سوڭعى 2 جىلدا جەتىسۋ اۋدانىنىڭ بيۋدجەتى 2023 جىلدىڭ باسىنداعى 7،5 ملرد تەڭگەدەن 2024 جىلى 20،5 ملرد تەڭگەگە دەيىن 2،7 ەسەگە ۇلعايتىلدى، ولار ينجەنەرلىك، الەۋمەتتىك جانە جول ينفراقۇرىلىمىن دامىتۋعا باسىم باعىت بەرۋدە.