جەتىسۋ اۋدانىندا ساپالى سىرتقى جارىقتاندىرۋمەن جانە ەلەكترمەن جابدىقتاۋمەن قامتاماسىز ەتۋ جۇمىستارى بەلسەندى جۇرگىزىلۋدە. ەلەكترمەن جابدىقتاۋ جەلىلەرى جاڭعىرتىلدى، شامدار مەن كابەل جەلىلەرى اۋىستىرىلدى. بۇل تۋرالى الماتى اكىمى ەربولات دوسايەۆ جەتىسۋ اۋدانىنىڭ تۇرعىندارىمەن كەزدەسۋ بارىسىندا حابارلادى.
"ءسىزدىڭ اۋدانداعى وزەكتى ماسەلەلەردىڭ ءبىرى ساپالى سىرتقى جارىقتاندىرۋمەن قامتاماسىز ەتۋ بولىپ قالا بەرەدى. 2023 جىلدىڭ قاراشا ايىنان باستاپ قازىرگى ۋاقىتقا دەيىن اۋداندا 4 بريگادا جۇمىس ىستەيدى، ولاردىڭ 948 شامدارى مەن 7،7 كم كابەلدىك جەلىلەرى اۋىستىرىلدى. بيىل بۇل جۇمىستار جالعاسۋدا جانە ءىشىنارا جارىقتاندىرىلماعان 40 كوشەگە كوشە جارىعىن ورناتۋ جۇمىستارى جۇرگىزىلەتىن بولادى"، - دەدى ەربولات دوسايەۆ.
سونىمەن قاتار، وتكەن جىلى پاللادين – پاۆلودار – بورالداي كوشەلەرىنىڭ الاڭىندا ەلەكترمەن جابدىقتاۋ جەلىلەرىن جاڭعىرتۋ جۇرگىزىلدى. 21،5 كم ەلەكتر جەلىلەرى سالىندى، 6 ترانسفورماتورلىق قوسالقى ستانسيا (قس) ورناتىلدى. وسىنىڭ ارقاسىندا بيىل ءساۋىر ايىنىڭ سوڭىنا دەيىن 1 000-عا جۋىق ابونەنت تۇراقتى ەلەكترمەن قامتاماسىز ەتىلەدى.
قالا باسشىسى اتاپ وتكەندەي، كەمەل ش / ا ەلەكترمەن جابدىقتاۋ جەلىلەرىن جاڭارتۋ جۇمىستارى اياقتالۋدا. 43،5 كم جەلى سالىندى، 12 قس ورناتىلدى، قالعان 2 قس ورناتۋ جۇمىستارى جۇرگىزىلۋدە. 2024 جىلدىڭ ءساۋىر ايىنىڭ سوڭىنا قاراي تۇرعىندار قالالىق ەلەكتر جەلىلەرىنە قوسىلادى. وسى شاعىن اۋدان تۇرعىندارىن تولىق قامتۋ ءۇشىن قوسىمشا 110 تىرەك ورناتىلىپ، القيسسا، وكتيابرسكايا جانە كرەستنايا كوشەلەرىندە شامامەن 3 كم كابەل جەلىلەرى سالىندى.
2023 جىلى "اجك" اق ەلەكترمەن جابدىقتاۋدىڭ 2 كم اۋە جەلىلەرىن، 17،7 كم كابەلدىك ەلەكتر جەلىلەرىن، ترانسفورماتورلىق قوسالقى ستانسيالاردىڭ 10 تاراتۋ پۋنكتىن (رپ/تپ) كۇردەلى جوندەۋدەن وتكىزدى. سونداي-اق، اعىمداعى جوندەۋمەن 50،8 كم ەنەرگيامەن قامتاماسىز ەتۋدىڭ اۋە جەلىلەرى جانە 88 رپ/تپ قامتىلدى.
"2024 جىلى" اجك" اق ينۆەستيسيالىق باعدارلاماسى اياسىندا 4،8 كم كابەلدىك ەلەكتر جەلىلەرىن قايتا جاڭارتۋ، 14،8 كم ەلەكترمەن جابدىقتاۋ كابەلدىك جەلىلەرىن جانە 8،4 كم ەنەرگيامەن قامتاماسىز ەتەتىن اۋە جەلىلەرىن كۇردەلى جوندەۋ، 14 رپ/تپ، 59،7 كم اۋە ەلەكتر جەلىلەرىن جانە 47 قس اعىمداعى جوندەۋ جوسپارلانعان"، - دەپ حابارلادى الماتى اكىمى.