حالىق پەن مەگاپوليس اۋماعىنىڭ قارقىندى ءوسۋى ينفراقۇرىلىمدى دامۋدى قاجەت ەتەدى. 2022 جىلى 1،7 ملن شارشى مەتر تۇرعىن ءۇي پايدالانۋعا بەرىلدى، دەپ حابارلادى ەكونوميكا باسقارماسىنىڭ باسشىسى داستان ومىربايەۆ ءماسليحاتتىڭ VI سەسسياسىندا.
قالا تۇرعىندارىن ساپالى كوممۋنالدىق قىزمەتتەرمەن قامتاماسىز ەتۋ ءۇشىن 410 شاقىرىمنان استام ينجەنەرلىك جەلىلەر سالىندى جانە قايتا جاڭارتىلدى.
جاڭا تۇرعىن ءۇي كەشەنىنىڭ قۇرىلىسى ءومىر سۇرۋگە قولايلى جاعداي جاساۋدى قاجەت ەتەدى. وسىعان وراي، 2022 جىلى الماتىدا 20 ورتا ءبىلىم بەرۋ نىسانى مەن 108 بالاباقشا پايدالانۋعا بەرىلدى.