الماتى اكىمدىگى بەكىتكەن ەگجەي-تەگجەيلى جوسپارلاۋ (ەتج) جوبالارىن ازىرلەۋ كەزىندە قالا تۇرعىندارىنىڭ قوعامدىق تالقىلاۋلار مەن ساۋالنامالىق زەرتتەۋلەردىڭ قورىتىندىلارى بويىنشا ۇسىنىستارى ەسكەرىلدى، دەپ حابارلايدى almaty-akshamy.kz
قوعامدىق تىڭداۋلاردا 500-گە جۋىق ۇسىنىس ءتۇستى. سونىمەن قاتار، 17 مىڭنان استام قالا تۇرعىنىنىڭ ساۋالناماسى تالداندى.
ەتج ازىرلەۋشىلەر جەكە جانە از قاباتتى قۇرىلىس ماسەلەلەرى بويىنشا اۋدان بەلسەندىلەرىمەن جانە تۇرعىندارىمەن كوپتەگەن كەزدەسۋلەر وتكىزدى. ولاردىڭ تىلەكتەرىن ەسكەرە وتىرىپ، قالانىڭ قولدانىستاعى قۇرىلىس اۋماقتارىن يگەرۋ كەزەڭدىلىگى انىقتالدى – ءبىرىنشى كەزەكتە 2030 جىلعا دەيىن جانە ودان كەيىن 2040 جىلعا دەيىن.
ەسكە سالساق، جاڭا ەتج قالانىڭ 2040 جىلعا دەيىنگى باس جوسپارىنا سايكەس ازىرلەنگەن. باس جوسپاردا ءبىزدىڭ مەگاپوليستىڭ دامۋىنىڭ مونوورتالىق مودەلىنەن پوليورتالىق كوشۋ ءپرينسيپى جاتىر. وسىلايشا، 2030 جىلعا دەيىن قالا اكىمدىگىنىڭ جوبالىق ءوفيسى اياسىندا 5 پوليورتالىق قۇرىلاتىن بولادى – ولار ارنايى ايماقتار، قوعامدىق جانە ىسكەرلىك بەلسەندىلىك ورتالىقتارى: «شىعىس قاقپاسى»، «تاريحي ورتالىق»، «سولتۇستىك»، «وڭتۇستىك-باتىس»، «باتىس».
جاڭا ەتج-دىڭ نەگىزگى ماقساتى-ينفراقۇرىلىمنىڭ ستراتەگيالىق دامۋىن ەسكەرە وتىرىپ، حاوتيكالىق قۇرىلىس سالۋدى بولدىرماۋ جانە جەر ۋچاسكەلەرىن ءتيىمدى ءبولۋ. بۇل رەتتە الدىڭعى ەتج-مەن سالىستىرعاندا نەگىزگى وزگەرىستەر يگەرىلمەگەن اۋماقتارعا اسەر ەتتى. ولاردى ازىرلەۋ كەزەڭىندە اۋدان تۇرعىندارىمەن كەزدەسۋلەر وتكىزىلىپ، ءار ۋچاسكە بويىنشا تۇسىنىكتەمەلەر جۇرگىزىلدى.
ەتج-دا الماتىنىڭ ۇزدىك الەمدىك تاجىريبەلەرى، گەوگرافيالىق جانە كليماتتىق ەرەكشەلىكتەرى ەسكەرىلدى. ولار تۇراقتى جانە فۋنكسيونالدى قالالىق كەڭىستىكتى قۇرۋعا باعىتتالعان، قالا قۇرىلىسىن ايماقتارعا ءبولۋدىڭ، قىزىل سىزىقتاردىڭ، حالىققا الەۋمەتتىك، مادەني جانە كوممۋنالدىق قىزمەت كورسەتۋ وبەكتىلەرىن ورنالاستىرۋ ءۇشىن اۋماقتاردى رەزەرۆتەۋدىڭ، كوشە-جول جەلىسىن ۇيىمداستىرۋدىڭ، ينجەنەرلىك كوممۋنيكاسيالاردى تراسسالاۋدىڭ، اۋماقتاردى اباتتاندىرۋ مەن كوگالداندىرۋدىڭ نەگىزگى باعىتتارىن بەلگىلەيدى.