الماتى اكىمدىگى قالانىڭ 2040 جىلعا دەيىنگى باس جوسپارىنا سايكەس ازىرلەنگەن ەگجەي-تەگجەيلى جوسپارلاۋ جوبالارىن (پدپ) بەكىتتى. وزدەرىڭىز بىلەتىندەي، باس جوسپاردا مەگاپوليستى دامىتۋدىڭ مونوورتالىقتىق مودەلىنەن پوليورتالىققا كوشۋ ءپرينسيپى بار.
سونىمەن، قالانى دامىتۋدىڭ نەگىزگى قاعيداتتارىنىڭ ءبىرى بالاباقشالارعا، مەكتەپتەر مەن مەديسينالىق مەكەمەلەرگە قادامدىق قولجەتىمدىلىك بولىپ تابىلادى.
قالالىق جوسپارلاۋ جانە ۋرابانيستيكا باسقارماسى اتاپ وتكەندەي، الماتى بۇدان بىلاي ءدال سالىنبايدى، بارلىق جاڭارتۋ جوبالارى قاجەتتى ينجەنەرلىك، كوممەرسيالىق جانە الەۋمەتتىك ينفراقۇرىلىممەن قامتاماسىز ەتىلۋىن ەسكەرە وتىرىپ، كەشەندى تۇردە قارالاتىن بولادى.
- تجە بويىنشا 2040 جىلعا قاراي ءاربىر قالا تۇرعىنى ءۇشىن بالاباقشالار ۇيدەن ورتا ەسەپپەن 300 مەتر، مەكتەپتەر-500 مەتر، ال مەديسينالىق مەكەمەلەر – تۇرعىلىقتى جەرىنەن ەڭ كوپ كيلومەتر قاشىقتىقتا ورنالاسادى دەپ كوزدەلگەن.
- مىسالى، تۇركسىب اۋدانىندا مەكتەپتەر مەن مەديسينالىق مەكەمەلەردىڭ سانى 1،5 ەسە، بالاباقشالار سانى 3 ەسە وسەدى. 7 دەنە شىنىقتىرۋ-ساۋىقتىرۋ كەشەنى سالىنادى.
- ناۋرىزباي اۋدانىندا مەكتەپتەر سانى 2 ەسەدەن استام، بالاباقشالار سانى 10 ەسەگە ارتىپ كەلەدى. سونداي-اق، 11 جاڭا مەديسينالىق مەكەمە، 8 فوك، مۇراجاي، ەكى جاڭا تەاتر مەن كىتاپحانا جوسپارلانعان.
- ەتج-نا سايكەس بوستاندىق اۋدانىندا جاڭا الەۋمەتتىك ينفراقۇرىلىم قۇرۋ عانا ەمەس – بۇل 8 مەكتەپ، 5 بالاباقشا، 3 مەديسينالىق مەكەمە، 2 فوكا، سونىمەن قاتار جاڭا مادەني نىساندار – 4 كىتاپحانا، 1 مۇراجاي، 1 تەاتر قۇرۋ كوزدەلگەن.
- المالى اۋدانىندا جاڭا الەۋمەتتىك ينفراقۇرىلىم قۇرۋ نەگىزىنەن مەكتەپتەرگە - 8 نىسان مەن 10 بالاباقشاعا باعىتتالعان. سونداي-اق مۇراجاي قۇرۋ جوسپارلانۋدا.
- مەدەۋ اۋدانىنىڭ اۋماعىندا الەۋمەتتىك ينفراقۇرىلىم قۇرۋ قازىرگى تاپشىلىقتاردى تولتىرۋعا باعىتتالعان: بۇل 14 مەكتەپ، 16 بالاباقشا، 11 مەديسينالىق مەكەمە، 5 فوك جانە كىتاپحانا سالۋ.
جالپى، ەتج تۇراقتى جانە فۋنكسيونالدى قالالىق كەڭىستىك قۇرۋعا باعىتتالعان. ولار قالا قۇرىلىسىن ايماقتارعا ءبولۋدىڭ، قىزىل سىزىقتاردىڭ، حالىققا الەۋمەتتىك، مادەني جانە كوممۋنالدىق قىزمەت كورسەتۋ وبەكتىلەرىن ورنالاستىرۋ ءۇشىن اۋماقتاردى رەزەرۆتەۋدىڭ، كوشە-جول جەلىسىن ۇيىمداستىرۋدىڭ، ينجەنەرلىك كوممۋنيكاسيالاردى تراسسالاۋدىڭ، اۋماقتاردى اباتتاندىرۋ مەن كوگالداندىرۋدىڭ نەگىزگى باعىتتارىن بەلگىلەيدى.