الماتىنىڭ جاياۋ جۇرگىنشىلەرى مەن اۆتوكولىك يەلەرىن جولدا اباي بولۋعا شاقىرادى

قىستاي جاۋماعان قار قولايسىزدىق تۋدىرۋدا

الماتىدا بۇگىننەن باستاپ جاۋعان قار 10 اقپانعا دەيىن جاۋادى. تۇندە اۋا تەمپەراتۋراسى -4...-6 گرادۋس بولادى. تۇمان، جولداردا كوكتايعاق بولادى، دەپ حابارلايدى Almaty-akshamy.kz تۇرعىن ءۇي ساياساتى باسقارماسىنا سىلتەمە جاساپ.

كوكتايعاقتىڭ الدىن الۋ ماقساتىندا كۇندىزگى كەزەڭدە 624 بىرلىك ارنايى تەحنيكا، ونىڭ ىشىندە 204 قۇمشاشقىش جانە 1538 جول جۇمىسشىسى جۇمىلدىرىلدى. تۇنگى ۋاقىتتا كەزەكشىلىك ۇيىمداستىرىلدى، وعان 519 بىرلىك ارنايى تەحنيكا، ونىڭ ىشىندە 205 قۇم شاشقىشتار جانە 339 جول جۇمىسشىلارى جۇمىلدىرىلادى.

جولدىڭ ءجۇرۋ بولىگىندە، تروتۋارلاردا مۇز قاتۋى بولجامىنا وراي كوكتايعاق پايدا بولۋى مۇمكىن. سوندىقتان تۇرعىن ءۇي ساياساتى باسقارماسى اۆتواۋەسقويلار مەن جاياۋ جۇرگىنشىلەردەن ساقتىق شارالارىن ساقتاۋدى وتىنەدى.

«جۇرگىزۋشىلەرگە جىلدامدىقتى تومەندەتۋگە، كولىكتەر اراسىندا قاشىقتىقتى ارتتىرماۋعا جانە كەنەتتەن مانيەۆر جاساماۋعا كەڭەس بەرىلدى. جاياۋ جۇرگىنشىلەر تروتۋارلاردا جۇرگەن كەزدە كوكتايعاققا قاتىستى قاۋىپسىزدىك شارالارىن ساقتاعانى ءجون»، - دەلىنگەن باسقارما حابارلاماسىندا.