قالانىڭ باس يمامى شاھار تۇرعىندارىن وسى باستامانى قولداۋعا شاقىردى.
تولەبي وسپان باستاعان جاماعات وسىلاي قايىرىمدىلىق ىستەر ارقىلى ءوز ۇلەسىمىزدى قوسساق دەيدى، دەپ حابارلايدى Almaty-akshamy.kz
الماتى قالاسىنىڭ يمامدارى يگى ءىستىڭ قولداۋشىسى رەتىندە قان تاپسىرۋ اكسياسىن وتكىزدى.
مەديسينالىق ورتالىققا ارنايى كەلگەن تولەبي وسپان باستاعان جاماعات وسىلاي قايىرىمدىلىق ىستەر ارقىلى ءوز ۇلەسىمىزدى قوسساق دەيدى. سونداي-اق قالانىڭ باس يمامى شاھار تۇرعىندارىن وسى باستامانى قولداۋعا شاقىردى.
«قان تاپسىرۋ شاراسىنىڭ شاريعاتقا قايشى ەمەستىگىن، كەرىسىنشە، ساۋاپ امالى ەكەنىن ناسيحاتتاۋ ماقساتىندا بۇگىن وسى شارانى وتكىزىپ وتىرمىز. ارينە، كەشەگى جاعدايدان كەيىن دە قان ورتالىعىنا قانعا دەگەن قاجەتتىلىك ارتقان بولۋى مۇمكىن. ءبىز، ارينە، ونىمەن تىكەلەي بايلانىستىرىپ وتىرعان جوقپىز. دەگەنمەن تارتىپسىزدىك كەزىندە جاراقات الىپ، بۇگىندە ەمدەلىپ جاتقانداردى قولداۋعا ۇلەس قوسا الساق، ءبىز ءۇشىن ۇلكەن قۋانىش بولماق»، – دەدى الماتى قالاسىنىڭ باس يمامى تولەبي وسپان.