بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە سەيىلحان اقىلبەكوۆ حابارلادى. وسى ايدا وندا كوكونىس قويماسى بار جەمشوپ بلوگىنىڭ قۇرىلىسى باستالاتىنى بەلگىلى بولدى، دەپ حابارلايدى Almaty-akshamy.kz
حايۋاناتتار باعى ديرەكتورىنىڭ حابارلاۋىنشا، بيىل 21 جانۋاردان 33 ءتول الىنعان.
«بىزدە كوك قوشقار، پوني، كەنگۋرۋ، جايرا، مىسىق لەمۋرلارى، الا بۇعى، قوداس، چاپمان زەبراسى، سۋسيىر، قاراقۇس بالاپاندارى، قۇماي، جاپون تىرناسى، تاۋ قازى، افريكالىق سۇر جىلان جانە ت.ب. تولدەرى تۋدى»، - دەدى س. اقىلبەكوۆ.
حايۋاناتتار باعىنداعىلار جانۋارلاردىڭ اۋىرۋى مۇمكىن ەكەنىن جاسىرمايدى، بيىل 55 باس جانۋار اۋىردى، بۇل جالپى مالدىڭ 1% - دان ءسال استامى. تاجىريبەلى ۆەتەرينارلار اسىراۋداعى جانۋارلارعا كۇتىم جاسايدى جانە ەمدەيدى.
سالىنىپ جاتقان كوكونىس قويماسىنا كەلەتىن بولساق، ول قوسالقى شارۋاشىلىق ەگىستىكتەرىنەن جانە كۇزدە ارزانداتىلعان باعامەن ساتىپ الىنعان كوكونىستەر مەن جەمىستەردى ساقتاۋعا مۇمكىندىك بەرەدى، بۇل حايۋاناتتار باعىنىڭ مال ازىعىنا قاراجات ۇنەمدەيدى.
سونىمەن قاتار، «افريكالىق ساۆاننا» كەشەنىن سالۋ جوسپارلانۋدا، جوبالىق-سمەتالىق قۇجاتتاما ازىرلەنىپ، ونىڭ قۇرىلىسىنا كونكۋرس ۇتىپ لىندى. «افريكالىق ساۆاننا» كەشەنىندە 100-گە جۋىق جانۋاردىڭ 25 تۇرىنە دەيىن كورسەتىلەدى.
«افريكالىق ساۆاننا» جاڭا ەكسپوزيسياسى پايدالانۋعا بەرىلگەننەن كەيىن جانۋارلاردى ۇستاۋ شارتتارى تابيعي مەكەندەۋ ورتاسىنا بارىنشا جاقىن بولادى، وندا ءبىر الاڭدا جانۋارلاردىڭ بىرنەشە ءتۇرى ۇستالاتىن بولادى. قىزمەت كورسەتەتىن قىزمەتكەرلەردىڭ ەڭبەك جاعدايلارى، سونداي-اق كەلۋشىلەرگە قولايلى جاعداي جاسالىپ، ولاردىڭ قىزىعۋشىلىعى ەسكەرىلەتىن بولادى. بۇل ەكسپوزيسيا جىل بويى جۇمىس ىستەيتىن بولادى، بۇل كەلۋشىلەر سانىنىڭ ارتۋىنا اسەر ەتەدى. قۇرىلىس-مونتاج جۇمىستارىن 2024 جىلعا جوسپارلاپ وتىرمىز»، - دەپ جالعاستىردى حايۋاناتتار باعىنىڭ ديرەكتورى.
سونداي-اق حايۋاناتتار باعىندا جالپى اۋماعى 1،5 گەكتار بولاتىن «اركتيكا» كەشەنى سالىنادى. وندا تابيعي ورتاعا بارىنشا ۇقساستىرىلعان جاعدايلار جاسالادى. وسىنىڭ ارقاسىندا حايۋاناتتار باعى اق ايۋلاردىڭ جاس جۇبىن ساتىپ الا الادى.
سونىمەن قاتار، قار بارىسى مەن سىلەۋسىنگە ارنالعان قورشاۋ سالىنادى. جاڭا قورشاۋلار الماتى قالاسى مەن ىلە الاتاۋى تاۋلارىنىڭ سيمۆولى – قار بارىسىن كورسەتۋگە مۇمكىندىك بەرەدى. جابايى جانۋارلاردى بارىنشا تابيعي جاعدايدا ۇستاۋ ءارقاشان حايۋاناتتار باعىنا كەلۋشىلەر مەن جانۋارلار الەمىنە قىزىعاتىنداردىڭ كوڭىلىنەن شىعادى، دەيدى سپيكەر.
حايۋاناتتار باعىنىڭ باسشىلىعى 2024 جىلى «تروپيكالىق جۇماق نەمەسە مايمىلدار ەلى»، «ماداگاسكار»، «قازاق دالاسى» كەشەندەرىنىڭ قۇرىلىس جوباسىن جاساۋدى جوسپارلاپ وتىر. سونىمەن بىرگە، جاڭا ۆەتەرينارلىق كلينيكا سالۋ، جابايى جانۋارلاردى رەينترودۋكسيالاۋ ورتالىعى جوبالارى جاسالماق. جوسپار بويىنشا 2030 جىلعا دەيىن حايۋاناتتار باعىنىڭ جالپى اۋماعىنىڭ 70 %-ى رەكونسترۋكسيالانادى»، - دەپ قورىتىندىلادى الماتى حايۋاناتتار باعىنىڭ ديرەكتورى.