ويىق جارالى كوليت جانە كرون اۋرۋى سياقتى ىشەكتىڭ قابىنۋ اۋرۋلارى (Iقا) – پاسيەنتتەردىڭ ءومىر ءسۇرۋ ساپاسىنا ايتارلىقتاي اسەر ەتەتىن ەڭ اۋىر سوزىلمالى، اۋتويممۋندى ىشەك اۋرۋلارىنىڭ ءبىرى. تۇراقتى اۋىرسىنۋ، ديارەيا، اعزانىڭ السىرەۋى جانە ادەتتەگى ءومىر سالتىمەن جۇرە الماۋ – ناۋقاستار وسىنداي جايسىزدىقتاردى سەزىنەدى. الايدا، كارديولوگيا جانە ىشكى اۋرۋلار عزي ماماندارى بۇل سىرقاتتى دا ناتيجەلى ەمدەۋگە بولاتىنىن ايتادى.
جۋىردا مارينا سۋۆوروۆا دارىگەرلەرگە كرون اۋرۋى دياگنوزىمەن اۋىر جاعدايدا كومەككە جۇگىندى. ول ۇنەمى ءىشتىڭ اۋىرسىنۋىن، قانمەن بىرگە جۇرەتىن دارەتكە ءجيى بارۋدى جانە السىزدىكتى باستان كەشكەن. باسقا مەكەمەلەردە ەمدەلگەنى ناتيجە بەرمەگەندىكتەن، بۇل ونىڭ فيزيكالىق جانە ەموسيونالدىق جاعدايىن ناشارلاتقان.
جاعدايدىڭ كۇردەلىلىگىن تۇسىنە وتىرىپ، عزي دارىگەرلەرى مۇقيات تەكسەرۋ جۇرگىزدى: ەندوسكوپيالىق جانە زەرتحانالىق زەرتتەۋ، ىشەكتىڭ ۋلترادىبىستىق زەرتتەۋىن، مر-ەنتەروگرافيا جاسادى. كەشەندى ءتاسىلدىڭ ارقاسىندا دارىگەرلەر اۋرۋدىڭ ساتىسى مەن سيپاتىن ءدال انىقتاي الدى، بۇل جەكە تەراپيانى تاعايىنداۋعا نەگىز بولدى.
ەكى جىل بۇرىن قونايەۆ قالاسىنىڭ تۇرعىنى دجۋلەتتا حامۋيەۆاعا (43 جاستا) دا ويىق جارالى كوليت دياگنوزى قويىلعان. ونى قاتتى اۋىرسىنۋ مەن قان كەتۋ مازالاعان، ارەڭ جۇرگەن، كۇن سايىن دەنە قىزۋى كوتەرىلىپ، تەمپەراتۋرا 38-40°C-قا جەتكەن، 15 كگ سالماق جوعالتقان. اۋرۋ سالدارىنان ريەۆماتويدتى ارتريت دامىپ، ءتىپتى سۇيەكتەرى دە اۋىرعان. باسقا اۋرۋحانالاردا ەمدەلگەنى ناتيجە بەرمەگەن. وعان كارديولوگيا جانە ىشكى اۋرۋلار عزي – ءىقا بويىنشا جەتەكشى مامان، باسقارما ءتوراعاسىنىڭ ورىنباسارى جاميلا قايبۋللايەۆاعا جۇگىنۋ ۇسىنىلعان، ول پاسيەنتتىڭ اۋىر انەميا، السىزدىك جاعدايىن ەسكەرە وتىرىپ، زەرتتەۋدەن ءوتۋ جانە تەراپيانى تاڭداۋ ءۇشىن اۋرۋحاناعا جاتۋىنا ىقپال ەتتى.
دجۋلەتتا №1 تەراپيا بولىمشەسىندە ەمدەۋ كۋرسىن ءوتتى. ەمدەۋدەن كەيىن اۋرۋدىڭ تۇراقتى رەميسسياسى بايقالادى. دۇرىس تاڭدالعان كەشەندى جانە قارقىندى تەراپيا ءبىر اپتا ىشىندە ەندوسكوپيالىق رەميسسياعا جەتكەنگە دەيىن ونىڭ جاعدايىن ەداۋىر جاقسارتۋعا مۇمكىندىك بەردى، ونى ينستيتۋتتىڭ ەندوسكوپيالىق ماماندارى راستادى.
وسى ورايدا گاستروەنتەرولوگتار كومانداسى: جاميلا قايبۋللايەۆا، يسا مۇساتايەۆ جانە جاس رەزيدەنت دارىگەر ايگەرىم ساربايەۆانىڭ كاسىبي ەڭبەگىن اتاپ وتكەن ءجون.
«ءبىزدىڭ ينستيتۋت – اسقازان-ىشەك جولدارىنىڭ پاتولوگياسى بار ناۋقاستارعا كومەك كورسەتۋ بويىنشا جەتەكشى رەسپۋبليكالىق ورتالىق. دياگنوستيكانىڭ زاماناۋي تەحنولوگيالارى مەن تەراپيانىڭ ۇلكەن ارسەنالىنىڭ بولۋى پاسيەنتتەرگە ەمدەۋ جانە وڭالتۋ قىزمەتتەرىنىڭ تولىق سپەكترىن الۋعا مۇمكىندىك بەرەدى. ءبىز ءاربىر پاسيەنتكە ساپالى كومەك پەن تولىققاندى ومىرگە ورالۋ ءۇشىن قاجەتتى قولداۋ كورسەتۋگە تىرىسامىز. ءىقا ءومىر بويعى اۋرۋلارعا جاتاتىنىنا قاراماستان، ۋاقىتىلى دۇرىس دياگنوز قويۋ جانە دۇرىس ەمدەۋ ارقىلى اۋرۋدىڭ اۋىر تۇرىنە وتۋىنە جول بەرمەي، تۇراقتى رەميسسياعا قول جەتكىزۋگە بولادى. وسىنىڭ ارقاسىندا پاسيەنتتەر تولىققاندى ءومىر ءسۇرىپ، ەڭبەككە قابىلەتتىلىگىن ساقتاي الادى»، – دەيدى باسقارما ءتوراعاسى مارات پاشيموۆ.