جاڭا جىل قارساڭىندا الماتى مەتروپوليتەنى ەرەكشە كەيىپكە ەندى: بەكەتتەر مەن ۆاگوندار مەرەكەلىك جارىقتارمەن كومكەرىلىپ، اسەم دەكوراسيالارمەن بەزەندىرىلدى. تۇرعىندار بۇل جاڭا جىلدىق كوڭىل-كۇي سىيلايتىنىن ايتادى.
ءار بەكەتتە شىرشا ورناتىلىپ، تاقىرىپتىق ويىنشىقتارمەن بەزەندىرىلگەن. كەيبىر ۆاگوندا جولاۋشىلار ەستەلىك سۋرەتكە تۇسە الاتىن مەرەكەلىك بۇرىشتار بار.
«ءبىز مەتروداعى ءاربىر ساپار جولاۋشىلارىمىز ءۇشىن ءسال دە بولسا مەرەكەلىك بولعانىن قالايمىز. بەكەتتەر مەن ۆاگوندارداعى اشەكەيلەر ادامدارعا ەرتەگى سەزىمىن سىيلاپ، ولاردى مەرەكەلىك كوڭىل-كۇيگە بولەۋ ءۇشىن جاسالعان»، – دەدى مەتروپوليتەننىڭ باسپا ءسوز قىزمەتى.
قالا تۇرعىندارى مەن قوناقتارى مەرەكەلىك بەزەندىرۋدى جوعارى باعالادى. كوپتەگەن جولاۋشى الەۋمەتتىك جەلىلەرگە فوتوسۋرەتتەر جۇكتەپ، مۇنداي اتموسفەرا ءۇشىن ريزاشىلىق ءبىلدىرىپ جاتىر.