جوسپارلى جىلۋ جەلىلەرىن جاڭعىرتۋ جانە جوندەۋ جۇمىستارىنىڭ ىستەلۋىنە بايلانىستى الماتىنىڭ بىرنەشە كوشەلەرىندە اۆتوكولىكتەردىڭ قوزعالىسىنا شەكتەۋلەر ەنگىزىلەدى، دەپ حابارلايدى اlmaty-akshamy.kz.
اۋەزوۆ اۋدانىندا ماگيسترالدىق قۇبىرجول ۋچاسكەسىندە جوسپارلى جوندەۋ جۇمىستارىن جۇرگىزۋ ماقساتىندا 2024 جىلعى 4 شىلدەدەگى ساعات 22:00-دەن 5 شىلدەدەگى ساعات 12:00-گە دەيىن سۇلەيمەنوۆ كوشەسىنىڭ بويىمەن توقتابايەۆ كوشەسىنەن چەرەپانوۆ كوشەسىنە دەيىن وڭتۇستىك باعىتتا كولىك قوزعالىسى جارتىلاي شەكتەلەدى. سولتۇستىك باعىتتا اۆتوكولىك قوزعالىسى ءۇشىن جول اشىق بولادى. 
بوستاندىق اۋدانىندا 2024 جىلدىڭ 5 شىلدەسى مەن 15 قىركۇيەگى ارالىعىندا حودجانوۆ كوشەسىنىڭ بويىندا الماگۇل شاعىناۋدانىنداعى 15ء-شى ءۇي عيماراتىنان جاروكوۆ كوشەسىنە دەيىنگى ارالىقتا كولىك قوزعالىسى جابىلادى. ەكى باعىتتا دا كولىك قوزعالىسى جابىلادى.
بۇل ۋاقىتشا شەكتەۋلەر 1976 جىلدان بەرى پايدالانىلىپ كەلە جاتقان جالپى ۇزىندىعى 1240 مەتر بولاتىن، اتالعان كوشە اۋماعىنىڭ اۆتوكولىك جولى بولىگىنىڭ استىنان وتەتىن قۇبىردى جاڭعىرتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ماقساتىندا ەنگىزىلىپ وتىر.
بۇل قۇبىر 153 كوپپاتەرلى تۇرعىن ءۇيدى، 7 جەكە تۇرعىن ءۇيدى، 5 بالاباقشانى، 4 ءبىلىم بەرۋ نىسانىن، 2 دەنساۋلىق ساقتاۋ نىسانىن جانە 15 باسقا نىساندى جىلۋمەن جانە ىستىق سۋمەن قامتاماسىز ەتەدى.
جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە بۇل اۋماقتى اينالىپ ءوتۋ جولدارىن الدىن الا قاراستىرۋلارىڭىزدى سۇرايمىز.
«الماتى جىلۋ جۇيەسى» ج ش س