ەربولات دوسايەۆتىڭ تاپسىرماسى بويىنشا الماتىنىڭ بوستاندىق اۋدانىنداعى 70 اۋلاعا جوندەۋ جۇمىستارى باستالدى
بوستاندىق اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ اۋلا اۋماقتارىن جاڭعىرتۋ قارقىنى تۋرالى حابارلادى.
اۋداندا قوسىمشا بولىنگەن 400 ملن تەڭگەگە 70 اۋلاعا اعىمداعى جوندەۋ جۇمىستارى جۇرگىزىلۋدە. جۇمىستار 30 مىڭ تۇرعىندى قامتي وتىرىپ، قاراشا ايىنىڭ سوڭىنا دەيىن اياقتالادى.
سونىمەن قاتار، سوڭعى رەت 2017-2018 جىلدارى اباتتاندىرىلعان 50 اۋلا اۋماعىنا كۇردەلى جوندەۋ جۇرگىزۋ ءۇشىن جوبالاۋ-سمەتالىق قۇجاتتاما ازىرلەنۋدە.
جايلى قالالىق ورتانى دامىتۋ اياسىندا قازان ايىندا اباي جانە گاگارين داڭعىلدارىنىڭ قيىلىسىندا اۋدانى 1 گا ۋچاسكەنى اباتتاندىرۋ بويىنشا جۇمىستاردى اياقتاۋ جوسپارلانعان. جەكە ينۆەستيسيالار ەسەبىنەن 98،7 ملن تەڭگە سوماسىندا بالالار جانە سپورت الاڭدارى، يتتەردى سەرۋەندەتۋگە ارنالعان ايماق، دەمالۋعا ارنالعان ورىندار ورناتىلدى، كوگالداندىرۋ جۇرگىزىلدى.
سونداي-اق، جەلتوقسان كوشەسى مەن اباي داڭعىلى مەن ساتبايەۆ كوشەسى اراسىنداعى ءبولۋ جولاعىن اباتتاندىرۋ جۇمىستارى اياقتالادى.