الماتىنىڭ بەس شاعىناۋدانىنىڭ جولدارى جوندەلەدى

بۇگىنگى تاڭدا 84 كوشەدە ورتاشا جوندەۋ جۇمىستارى اياقتالدى.

وڭىرلىك كوممۋنيكاسيالار قىزمەتىندەگى بريفينگتە الماتى قالاسىنداعى جولدار مەن ينجەنەرلىك جەلىلەر سالىناتىن شاعىن اۋدانداردىڭ ءتىزىمى بەلگىلى بولدى، دەپ حابارلايدى Almaty-akshamy.kz.

الماتى قالاسى اكىمدىگىنىڭ قالالىق موبيلدىلىك باسقارماسى باسشىسىنىڭ ورىنباسارى ەرنۇر ابجاحاننىڭ ايتۋىنشا، قازىرگى تاڭدا "العاباس"، "المەرەك"، "قايرات" شاعىناۋداندارىندا جۇمىستار جالعاسىپ جاتىر جانە "اقجار" شاعىناۋدانىندا جول قۇرىلىسى باستالدى، وندا 48 شاقىرىمعا جۋىق جاڭا جول سالۋ جوسپارلانۋدا.

ول "قايرات" جانە "المەرەك" شاعىناۋداندارىنداعى جۇمىستاردىڭ ەنەرگەتيكا جانە سۋمەن جابدىقتاۋ باسقارماسىمەن كەلىسە وتىرىپ، ينجەنەرلىك جەلىلەردىڭ قۇرىلىسىنىڭ اياقتالۋىنا قاراي جۇرگىزىلىپ جاتقانىن ايتتى.

"العاباس" شاعىناۋدانىندا 2021 جىلى 11 شاقىرىم جول سالىنسا، بيىلعى جىلدىڭ سوڭىنا دەيىن تاعى 9 شاقىرىم جول سالۋ جوسپارلانۋدا»، - دەدى سپيكەر.

"اقجار" شاعىناۋدانىندا جۇمىستار بيىلعى جىلدىڭ ءساۋىر ايىندا باستالعان. 10 شاقىرىمعا جۋىق جاڭا جول سالۋ جوسپارلانۋدا. بۇگىنگى تاڭدا 17 كوشەگە 3 شاقىرىم جول سالىندى. تولىق اياقتاۋ 2023 جىلدىڭ جەلتوقسان ايىنا جوسپارلانعان.

بۇدان بولەك، "شۇعىلا" شاعىناۋدانىندا 6،9 شاقىرىم جاڭا جولدىڭ قۇرىلىسىن باستالماق.

ءسوزىن قورىتىندىلاعان ەرنۇر ابجاحان 2022 جىلى جول جابىنىن ورتاشا جوندەۋ اياسىندا ۇزىندىعى 219 شاقىرىمدى قۇرايتىن 225 كوشەنىڭ جول جابىنىن جوندەۋ جوسپارلانعانىن ايتتى. ونىڭ ىشىندە 21ء-ى ماگيسترالدى كوشە، ۇزىندىعى 66،3 كم. بۇگىنگى تاڭدا ۇزىندىعى 50 شاقىرىم بولاتىن 84 كوشەدە ورتاشا جوندەۋ جۇمىستارى اياقتالدى. ۇزىندىعى 85 شاقىرىم بولاتىن 59 كوشەدە جۇمىس كەستەگە ساي جۇرگىزىلۋدە.