الماتىنىڭ تۇركسىب اۋدانىندا «حالىق قاتىساتىن بيۋدجەت» باعدارلاماسىنىڭ 50 جوباسى ىسكە اسىرىلۋدا
بارلىعى جاياۋ جۇرگىنشىلەردىڭ قولايلىعى ءۇشىن: الماتىدا باۋم توعايى، كىشى الماتى وزەنى جانە ۇاك جاعالاۋلارى اباتتاندىرىلۋدا.
الماتىنىڭ تۇركسىب اۋدانىندا «حالىق قاتىساتىن بيۋدجەت» باعدارلاماسى بويىنشا 52 جوبانى ىسكە اسىرۋ جالعاسۋدا. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى.
قالا باسشىسى جايلى قالالىق ورتانى قۇرۋعا ەرەكشە كوڭىل بولىنەتىنىن اتاپ ءوتتى. تۇركسىب اۋدانىندا قالالىق ينفراقۇرىلىمدى اباتتاندىرۋعا باعىتتالعان جالپى سوماسى 2 ملرد تەڭگەگە «حالىق قاتىساتىن بيۋدجەت» باعدارلاماسىنىڭ 52 جوباسى ىسكە اسىرىلۋدا.
بۇگىندە 40 جوبا اياقتالدى. قالعان 12 جوبا وسى جىلدىڭ قازان-قاراشا ايلارىندا اياقتالادى.
كەلەسى جىلى قوعامدىق كەڭىستىكتى دامىتۋ بويىنشا ءتورت ءىرى جوبانى ىسكە اسىرۋ جوسپارلانۋدا.
بۇل جوبالارعا سكانديناۆيالىق جاياۋ جۇرگىنشىلەرگە ارنالعان ەكوجولدار مەن شاعىن ساۋلەت پىشىندەرىن (شسپ) ورناتۋ ارقىلى باۋم توعايىن، كىشى الماتى وزەنى بويىنداعى جاياۋ-سەرۋەندەۋ ايماعىن اباتتاندىرۋ، رەكرەاسيالىق جانە جاعاجاي ايماقتارىن اباتتاندىرۋ ارقىلى ۇلكەن الماتى كانالىن (باك)، سونداي-اق حمەلنيسكيي كوشەسى بويىنداعى ەكى توعاندى مەحانيكالىق تازارتۋ كىرەدى. بۇگىندە جوبالاۋ-سمەتالىق قۇجاتتاما اياقتالۋ ساتىسىندا، جىل سوڭىنا دەيىن مەملەكەتتىك ساراپتامالار شىعۋى كۇتىلۋدە.
ەستەرىڭىزگە سالا كەتەيىك، الماتىدا ساياباقتار اۋماعىن 2024 جىلى 996 گەكتارعا دەيىن جەتكىزۋ جوسپارلانعان.