الماتى اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋ بارىسىندا اۋدان تۇرعىندارىن ساپالى مەديسينالىق قىزمەتتەرمەن قامتاماسىز ەتۋ ءۇشىن قابىلدانىپ جاتقان شارالار تۋرالى ايتىپ بەردى، دەپ حابارلايدى aqshamnews.kz
ونىڭ ايتۋىنشا، نۇرشاشقان شاعىن اۋدانىنىڭ تۇرعىندارى ءۇشىن بيىل ءبىر اۋىسىمدا 100 ادامنان اساتىن قۋاتى بار وتباسىلىق-دارىگەرلىك امبۋلاتوريا سالىندى.
قاراشا ايىندا امبۋلاتوريانىڭ اشىلۋى جوسپارلانۋدا. سونىمەن قاتار، وسى جىلدىڭ شىلدە ايىندا 10 بريگاداعا ارنالعان №13 جەدەل مەديسينالىق جاردەم قوسالقى ستانسياسى ىسكە قوسىلدى. بۇل قالانىڭ شىعىس بولىگىندە جەدەل جاردەم كەلۋ ۋاقىتىن قىسقارتۋعا مۇمكىندىك بەردى.
«سپورت ينفراقۇرىلىمىن قۇرۋ جۇمىستارى جالعاسۋدا. «جاس قانات» شاعىن اۋدانىندا اعىمداعى جىلدىڭ قازان ايىنىڭ سوڭىنا دەيىن كۇنىنە 600 ادام قابىلداي الاتىن دەنە شىنىقتىرۋ-ساۋىقتىرۋ كەشەنىن اشۋ جوسپارلانۋدا»، – دەدى قالا باسشىسى.
ايتا كەتەيىك، 2024 جىلى الماتىدا دەنساۋلىق ساقتاۋ ينفراقۇرىلىمىن جاڭعىرتۋدى قارجىلاندىرۋ 2،5 ەسەگە ۇلعايىپ، 26،3 ملرد تەڭگەگە دەيىن جەتتى.